سەرنووچە:

ل زاویتە بالەفرێن تورکیا تڕۆمبێلەکا پەکەکێ کرە ئارمانج و چار گەریلا تێدا شەهیدبوون

ل گوندێ ڕەشانکێ
فۆتۆ: 
2020-08-13

1118 جار خوێندراوەتەوە

ڕێڤەبەرێ ناحیەیا زاویتە بۆ ئێن ئاڕ تی ڕاگەهاند، بالەفرێن تورکیا تڕۆمبێلەکا پەکەکێ ل گوندێ ڕەشانکێ یێ سنورێ ناحیەیا زاویتە کرە ئارمانج و تێدا چار گەریلا شەهیدبوون.

موشیر گولی ڕێڤەبەرێ ناحیەیا زاویتە بۆ ئێن ئاڕ تی ڕاگەهاند، ل دەمژمێر ٩ و ٤٠ خولەکێ ئەڤشەڤە بالەفرێن تورکیا تڕۆمبێلەکا پەکەکێ ل سنورێ گوندێ ڕەشانکێ کریە ئارمانج و تێدا چار گەریلایێن پەکەکێ شەهیدبوونە، دبێژیت ژی، هەر بسەدەما بۆمبەبارانێ ئاگر ب پیش و پاوانێن دەڤەرێ کەفتینە.

دیارکر ژی، هێزێن ئەولەهیێ و تیمێن ئاگرڤەمراندنێ چووینە جهێ بوویەرێ، لێ ژبەر هەبوونا مینان ل وان دەڤەران نکارن ئاگری ڤەمرینن.

گوندێ ڕەشانکێ ٢٠ کیلۆمەتران ل سەنتەرێ پارێزگەها دهۆکێ و چار کیلۆمەتران ل سەنتەرێ ناحیەیا زاویتە یێ دوویەر.

بێوار حلمی-دهۆک