سەرنووچە:

وێنە.. ل بەغدا خۆنیشاندان ل دژی بۆمبەبارانێن تورکیا بڕێڤەچوو

فۆتۆ: 
2020-08-13

247 جار خوێندراوەتەوە

ل دژی بۆمبەبارانێن تورکیا ب دەها خۆنیشاندەر ل پێشیا بالیۆزخانەیا تورکیا ل بەغدا خۆنیشاندانەک لدارخستن و داخوازکرن بالیۆزخانەیا وی ولاتی بهێتە داخستن.

ئەڤرۆ پێنجشەمبیێ، ئومێد محەمەد نووچەگەهانێ ئێن ئاڕ تی ڕاگەهاند، بەشەک ژ وەلاتیێن بەغدا ل پێشیا بالیۆزخانەیا تورکیا خۆنیشاندانکرن وەک نەڕازیبوونەک لهەمبەر بۆمبەبارانێن تورکیا بۆ سەر دەڤەرێن جودایێن ولاتی، داخوازکرن بالیۆزێ تورکیا ل عێراقێ بهێتە دەرکرن و بالیۆزخانەیا وان بهێتە داخستن، هەروەسا خۆنیشاندەران دبێژن کو "دێ ل دژی هێرشێن تورکیا بۆ سەر ئاخا خۆ ڕاوەستین".

دازانین ژی، خۆنیشاندەران د دروشمێن خۆ دا داخواز ژ ئەردۆغان سەرۆک کۆمارێ تورکیا دکرن سەربازێن خۆ ل عێراقێ ڤەکشینیت.

ڕۆژا سێشەمبیا دەربازبوویی، د دەما جڤینەکا زێرەڤانێن سنوریێن عێراقێ و پەکەکێ دا، بالەفرەکا بێ بالەفرڤانا تورکیا تڕۆمبێلەکا زێرەڤانێن سنوری کرە ئارمانج و ب وێ سەدەمێ ژی سێ سەربازێن زێرەڤانێن سنوری شەهیدبوون کو دوو ژ وان ئەفسەر بوون.

س.م