سەرنووچە:

شاسوار عەبدولواحید: ئەگەر دەستهەلات بەرسڤێ نەدەت گازیێ دێ بۆ خونیشاندانەکا مەزن کەین

فۆتۆ: 
2020-08-13

624 جار خوێندراوەتەوە

سەروکێ ڤەلڤینا نەوەی نوێ راگەهاند، دەستهەلاتێ منەت ب خەلکی نینە کو خەلکێ هەرێمێ مووچە نەبیت و د رەوشەکا خراب دابیت، گوت ژی، ئەگەر دەستهەلاتا خونیشاندەران نەدەت، دی گازیەکێ بۆ خۆنیشاندانەکا مەزنتر دەین.

شاسوار عەبدولواحید سەروکێ ڤەلڤینا نەوەی نوێ، د پەیامەکێ دا ئەڤرۆ دەمژمێر ٩ێ شەڤ بەلاڤکر و دگەل سوپاسی کرنا پشکداریکرنا وەلاتیان د خونیشاندانێن ١٢ تەباخێ دا راگەهاند، "دەستهەلات و حکومەتا هەرێمێ خەما وێ یەکێ نینە کو خەلکی مووچە نەبیت و د رەوشەکا خراب دابن، بەلکی ئەوا بۆ وان گرنگ کۆمپانیایێن وان ل خالێن سنوری داهاتی وان زیدە ببیت".

بەحس ژی کر، ئەو دخوازن وەلاتیان دگەل خونیشاندانان دا ئاش بکەین و ل دوو خونیشاندانێن دەربازبووی ل ٢٢ێ سباتێ و ١٢ تەباخێ هاتینەکرن، سەرکەفتیبوون ژ گەهاندنا نەرازیبوونا وان بێ کو خوین ژ دفنا وەلاتیەکێ بهێت.

دازانین ژی، د خونیشاندانان دا دگەل زەلامان  کچان و ژنان ژی ب رێژەکا زوور پشکداربوون، دخوازین رێژەیەکا زوور یا وەلاتیان و تەخوچینان بچنە سەر جادان و خونیشاندانێن زوور مەزن دروست بن، بۆ نیشاندانا نەرازیبوون و ژناڤبرنا حکومەتێ، ئەگەر بەرسڤا داخوازیێن وان نەدەن.

سەروکێ ڤەلڤینا نەوەی نوێ گوت ژی، هندەک جاران دەستهەلات ب ئەنقەست خەلکی دهنێریت بۆ بەربارانکرنا جهان، لێ پێدڤیە وەلاتی نەکەڤنە داڤێن دەستهەلاتێ، خونیشاندانێب لارێ دا نەبەن.