سەرنووچە:

وەزارەتا داراییا هەرێمێ بەرسڤا بەغدا دا

فۆتۆ: 
2020-08-13

1187 جار خوێندراوەتەوە

پشتی کو وەزارەتا داراییا عێراقێ هەرێما کوردستانێ تۆهمەتبارکری ب وێ یەکێ کو نەرمی نیشانەدایە بۆ لهەڤهاتنێ و نەگەهشتنا مووچەی بۆ دەستێ فەرمانبەرێن هەرێمێ، وەزارەتا داراییا هەرێمێ ژی بەرسڤا وان دا.

د بەیاننامەکێ دا وەزارەتا داراییا حکومەتا هەرێمێ ڕاگەهاند، حکومەتا عێراقێ بۆ گەهشتن ب لهەڤهاتنێ دەستی دەستی ب وان دکەت و نەرمیێ نیشاننادەت و لسەر بنەمایێ ناڤەندیەتیێ سەرەدەریێ دکەت نەک فیدرالیێ.

دیاکریە ژی، "بابەتێ کو شاسیتەیێن دارایی نەگەهشتنە دەستێ فەرمانبەران ڕاست نینە و ب تەمامی حکومەتا ئیتیحادی مووچەیێ مەهێن پێنج، شەش، حەفت و هەشت یێن ئەڤسالە  نەشاندیە و ڤێ یەکێ ژی باندۆریا نەرێنی لسەر پارڤەکرنا مووچەی کریە".

بەحسا وێ یەکێ ژی کریە، "داراییا عێراقێ هەرێمێ تۆهمەتبار دکەت، کو گوتیە لگۆری مادەیێ ١١٤ێ دەستوری پێگیربوونا خۆ جیبجینەکریە و نەرمی نیشانەدایە بۆ گەهشتن ب لهەڤهاتنێ دەربارەی دەرازینکێن سنوری، لێ ئەو وەزارەتا داراییا عێراقێیە سەدەما نەگەهشتنە لهەڤهاتنێ، نەک هەرێم".

دایەزانین ژی، "ئیدارەدانا گومرگان ل هەرێمێ بەرڤاژی مادەیێ ١١٤ێ دەستوری نینە و ب تەمامی پێڤە پێگیربوونە، لێ داراییا عێراقێ رەتکریە دەربارەی وێ یەکێ کاری ب دەستوری بکەت و بەرڤاژی دەستوری و سیستەمێ فیدرالی و لسەر بنەمایێ ناڤەندیەتیێ سەرەدەری کریە".

وەزارەتا داراییا هەرێمێ ئەو یەک ژی ڕاگەهاندیە، "وەزارەتا داراییا عێراقێ، هەرێمێ تۆهمەتبار دکەت ب وێ یەکێ نەرمی نەنیشاندایە، لێ بەرڤاژیا وێ ڕاستە، ئەو هەرێما کوردستانێیە نەرمی نیشاندایە و بەغدا ڕەتکریە نەرمیێ نیشان بدەت بۆ گەهشتن ب لهەڤهاتنێ".

س.م