سەرنووچە:

فەرەنسا ھێزێن خۆ ل دژی تورکیا لڤاندن

ب ئاوایەکێ دەمکی
فۆتۆ: 
2020-08-13

629 جار خوێندراوەتەوە

سەرۆکێ فەرەنسا ڕاگەھاند ، ھێزێن سەربازی یێن وان ل رۆژھەلاتا دەریایا سپی یا ناڤەراست دێ زێدەکەن ، ھەروەسا داخۆازێ ل تورکیا دکەت لێگەریانێن خۆ بۆ نەفت و غازێ ل وان دەڤەران ڕابگریت ، کو بوویە زێدەبوونا ئالۆزیان د وێ دەڤەرێ دا.

نڤیسینگەھا ئیمانۆێل ماکرۆن سەرۆکێ فەرەنسا د ڕاگەھاندنەکێ دا ڕاگەھاند، " د پەیوەندیەکا تەلەفونیدا سەرۆکێ فەرەنسا و سەرۆک وەزیرێن یۆنان ئاخفتن دەربارەی لیڤینێن ڤێ داویێ یێن تورکیا د دەڤەرێ دا کریە".

دیارکریە ژی، " دڤێت تورکیا لێگەریانێن خۆ ل رۆژھەلاتا دەریایا سپی یا ناڤەراست دا ڕاگریت ، ھەیا کو ڕەۆشەکا گۆنجای یا گۆتوبێژان د ناڤبەرا ھەردوو ولاتان دا درووستبیت ، کو ئەندامێن ناتۆیێ ژی نە".

ئاماژەکریە ژی، بەردەوامیا لێگەریانێن تورکیا بۆ نەفت و غازێ بوویە سەدەما زێدەبوونا ئالوزیان د دەڤەرێ دا.

بەحسکریە ژی، کو دێ فەرەنسا بۆ ماوەکێ دەمکی ھێزێن خۆ ل رۆژھەلاتا دەریایا سپی یا ناڤەراست ھێزێن خۆ زێدەکەت ، ھەیا کو چاڤدێریا ڕەۆشێ بکەت و پشتراست بیت یاسایێن ناڤدەولەتی دھێنە جێبەجێکرن".