سەرنووچە:

هێزێن ئەولەهیێ ل دهۆکێ ڕێگری ل بڕێڤەچوونا خۆنیشاندانێ کرن

فۆتۆ: 
2020-08-12

804 جار خوێندراوەتەوە

تەڤی کو بریاربوو ئەڤرۆ هاڤئاوایێ باژار و باژارۆکێن دن، خۆنیشاندان ل دهۆکێ ژی برێڤەبچە، لێ هێزێن ئەولەهیێ رێگری کرن، هێرشی سەر پەرلەمانتارەکێ نەوەی نوێ کرن.

تائیف گوران نووچەگەهانێ ئێن ئاڕ تی ڕاگەهاند، هەر ژ دەمژمێر ١٢ نیڤرۆ ڤە، ب بریارا پارێزگارێ دهۆکێ، ب حجەتا رەشاندانا دەرمانی ل ناڤ بازارێ دهۆکێ، بازار هات داخستن.

دیارکر ژی، ل پرانیا جادەیێن دهۆکێ هێزێن ئەولەهیێ هاتینە بەلاڤکرن، ب مەرەما رێگریکرن ژ بڕێڤەچوونا هەر خۆنیشاندانەکێ، و چوونا ولاتیان بۆ ناڤ پارکا نەورۆز کو بریاربوو ل وێدەرێ خۆنیشاندان بێ سازکرن.

نووچەگەهانێ ئێن ئارتی راگەهاند، دەما کو سیپان ئامێدی پەرلەمانتارێ نەوەی نوێ خوەست بچە جهێ خۆنیشاندانێ ل پارکا نەورۆزێ ژ ئالیێ هیزێن ئەولەهیێ ڤە هێرشی سەر وی هات کرن، جلێ وی هاتن دراندن.

دیار کر ژی کر، ھێزێن ئەولەھیێ شێروان شەرەفانی ئەندامێ جڤاتا نەوەی نوێ ل شێخان ژی د دەما چوون بۆ پشکداریکرن د خۆنیشاندانێ دا دەستەسەرکرنە.

بەحسا وێ یەکێ ژی کر، ل دەرڤی باژارێ دهۆکێ، ل بازگەهان رێگری هات کرن ژ دەربازبوون خەلکێ بۆ ناڤ دهۆکێ ب مەرەما خۆنیشاندانێ.

هەڤدەم، نیهاد ئورەماری نووچەگەهانێ ئێن ئاڕ تی ل ئامێدیێ ڕاگەهاند، ژ دوهی ڤە بریار ل شێلادزێ هاتبوو دا، کو دەمژمێر ١٢نیڤرۆ هەیا نیڤێ شەڤا ئەڤرۆ بازار ب تەمامی بهێتە داخستن، هێزەکا زێدە یا ئەولەهیێ ژ ئاسایش و پێشمەرگە و پۆلیسان د ناڤ شێلادزێ دا هاتیە بەلاڤکرن.

هەروەسا هێزەکە ئەولەهیێ چوو سەر نڤیسینگەها ئێن ئارتی ل دهۆکێ، و رێ نەدا تیمێن ئێن ئارتی، خوەپێشاندنا خەلکێ دهۆکێ روومال بکن، و دەست ب سەر تیما ئێن ئارتی دا هات گرتن.

ژ ئالیەکێ دی ڤە ئەحمەد زاخۆیی نووچەگەهانێ ئێن ئاڕ تی ل زاخۆ ڕاگەهاند، فاروق عومەر ئەندامێ جڤاتا بلندا نەوەی نوێ و دوو ژ خۆبەخشان ل زالگەها زاخۆ هاتنە دەستەسەرکرن و هێزەکا زۆرا ئەولەهیێ ل ئوڤەرپاسا زاخۆهەیا گوڕەپانا پرا دەلال هاتیە بەلاڤکرن و ڕی ب چ کەسێ نادەن بەر ب جهێ خۆنیشاندانێ ڤە بچن.