سەرنووچە:

شاسوار عەبدولواحید: ببینە ۱۰۰ هزار کەس دێ ڕێپیڤانێ بۆ رووخاندنا دەستهەلاتێ کەین

فۆتۆ: 
2020-08-12

251 جار خوێندراوەتەوە

شاسوار عەبدولواحید بەشداری خۆنیشاندانا سلێمانیێ کر و ڕاگەھاند، مللەتێ کورد سەرێ خۆ بۆ دەھان رژێمێن بەرێ شۆڕ نەکریە ، سەرێ خۆ بۆ رژێما نھا ژی شۆڕ ناکەت ، ئەڤرۆ رۆژا سەپاندنا ئیرادەیا ھەوەیە.

شاسوار عەبدولواحید سەرۆکێ ڤەلڤینا نەوەی نوێ ڕاگەھاند، مللەتەک ئەگەر بەرھەڤنەبیت یەکجار ل پێخەمەت ئازادیێ دا باجێ بدەت ، ھەتا وێ رۆژا دمریت دێ باجا بندەستی و زەلیلیێ دەت، ژبەر وێ یەکێ دڤێ ئەم یەکجار باجێ بدەین ل شوونا کو ھەتا ماوین ھەر بندەست و زەلیل بین.
بەحسکریە ژی، ئەڤا کو ئەڤرۆ ھوون بەشدارن بەرسڤەکە بۆ ھەموو وان کەسان یێن وەھا ھزردکەن مللەتێ مە تەسلیم بوویە ، ھوونن خەلکێ زیندی ، ھوونن مافێ خۆ وەردگرن بۆ پاراستنا کەرامەتا ھەڤنیشتیمانیان ھاتنە دەرڤە.
دیار کریە ژی، ئەڤ گاڤا ئەڤرۆ ل سلێمانی و ھەولێر و دھۆک و باژارۆکان دەستپێکریە ، گاڤەکە ژ شۆڕەشا مەدەنی بۆ داویی ئینان ب ڤێ دەستھەلاتێ.

ئاماژەکریە ژی، ئەڤا ل دھۆک و ھەولێر ھاتیە کرن و ڕێگری ل خۆنیشاندەران ھاتیە کرن ، نیشانا وێ یەکێ یە ئەڤ دەستھەلاتە بەرگریا یەک دەمژمێر یا خۆنیشاندانا وەلاتیان ناکەت.
دبێژیت ژی، پرۆسەیا گۆھەرتن و خەباتا مەدەنی ، بھێن فرەھی پێدڤێت ، ئازایەتی و قەھرەمانی دڤێت ، دڤێت وەلاتی بەردەوامبن و نەھێلن دەستھەلات ھەوە سار بکەت.

ڕاگەھاندیە ژی، دخۆازن خۆنیشاندانا ھێمنانە بکەن ژ بۆ کو  قەناعەتێ ب ۆان بکەن کو ل مالن ، ژ بۆ کو سەد ھزار کەس بھێنە دەرڤە ، دەما ھەژمارا خەلکی زێدەبوو و گەھشتە سەد ھزار کەسان و دووسەد ھزاران وی دەمی دێ رێ پیڤانێ بۆ رووخاندنا عەرشێ ڤێ دەستھەلاتێ کەن.