سەرنووچە:

خۆنیشاندانا بەشەک ژ وەلاتیان ل بەشەک ژ باژاڕ و باژاڕۆکان بڕێڤەدچیت

داخوازا هەلوەشاندنا حکومەتێ دکە
فۆتۆ: 
2020-08-12

705 جار خوێندراوەتەوە

دەمژمێر ٥ێ ئێڤاریا ئەڤرۆ ل پڕانیا باژاڕ و باژاڕۆکێن هەرێما کوردستانێ خۆنیشاندانا بەشەکا وەلاتیان بڕێڤەچوون و تێدا وەلاتیان نەڕازیبوونا خۆ لسەر گیرۆبوونا مووچەی و خرابیا ڕەوشا دەبارا ژیانێ و کێمیا خزمەتگوزاریان نیشاندان و دخوازا هەلوەشاندنا حکومەتێ کرن.

دەستەیا سەرپەرشتیارا خۆنیشاندانان ڕاگەھاند، وان بڕیاردانە ل پارێزگەها سلێمانیێ درێژەیێ ب خۆنیشاندانان بدەن و خیڤەتان بدانن و بەردەوامبن لسەر داخوازیێن خۆ.

هەروەسا، ل هەریەک ژ پارێزگەهێن هەولێر و دهۆکێ ژی بەشەکا وەلاتیان دخواستن خۆنیشاندانێ بکەن، لێ هێزێن ئەولەهیێ ڕێگری ژ بڕێڤەچوونا خۆنیشاندانان کرن و هەژمارەک ئەندام و خۆبەشێن نەوەی نوێ و خۆنیشاندەر دەستەسەرکرن.

هەر ل هەولێر و دهۆکێ هێزێن ئەولەهیێ نووچەگەهان و وێنەگرێن ئێن ئاڕ تی دەستەسەرکرن و دەست بسەر کەلوپەلێن وان یێن ڕۆژنامەڤانی دا گرتن، ب چ ڕەنگان ڕێ پێنەدان ڕوومالا خۆنیشاندانا وەلاتیان بکەن.

س.م