سەرنووچە:

بەغدایێ سەرەدانا وەزیرێ بەرەڤانیا تورکیا بۆ عێراقێ هەلوەشاند

فۆتۆ: 
2020-08-12

221 جار خوێندراوەتەوە

وەزارەتا دەرڤەیا عێراقێ راگەهاند، "بەغدا سەرەدانا وەزیرێ بەرەڤانیا بۆ ولاتێ خۆ هەلوەشاند، کو بریاربوو سوبەهی بهێتەکرن.

ئەڤرۆ وەزارەتا دەرڤەیا عێراقێ د راگەهاندنەکێ دا بەحسا وێ یەکێ کریە، "عێراق ب دژواری دەستدرێژی و بومبەبارانێن ئاشکرایێن تورکیا لسەر ئاخا ولاتی رەت دکەت".

دیار ژی کر، "عێراقێ ئەڤ پێنگاڤە ب بنپێکاریا سەروەری و رێز و جیرانیا ولاتی د دانیت، و ب کریارەکا دوژمنکارانە و بەروڤاژی لهەڤهاتنا نێڤدەولەتی د هەژمێریت".

راگەهاند ژی، "رێکێ نادەین بۆ بکارئینانا ئاخا ولاتی بۆ سەربازگەهـ یان تێپەربوون بۆ زیان پێ گەهاندنێ ژ هەر یەک ژ جیرانان، هەرەکی چاوا رەت دکەین کو ببیتە کورەپانا یەلاکرنا هەڤرکیێن دناڤبەرا ئالیێن دەرڤە".