سەرنووچە:

ساخلەمیا عێراقێ ئامارا ٢٤ دەمژمێرێن توشبوویێن کۆرۆنایێ راگەھاند

 ٥٤ حالەتێن ژیان ژدەستدانێ ھاتنە تومارکرن
فۆتۆ: 
2020-08-11

202 جار خوێندراوەتەوە

وەزارەتا ساخلەمیا عێراقێ راگەھاند، د ٢٤ دەمژمێرێن دەربازبووی دا، دوو ھزار و ٧٤٣ حالەتێن توشبوون ب کۆرۆنایێ، دوو ھزار و ١٤١ حالەتێن چێبوونەڤە و ٥٤ حالەتێن ژیان ژدەستدانێ ھاتنە تومارکرن.

ئەڤرۆ سێشەمبێ، وەزیرێ ژینگەھـ و ساخلەمیا عێراقێ راگەھاند، د ٢٤ دەمژمێرێن دەربازبووی دا، دوو ھزار و ٧٤٣ حالەتێن نوو یێن توشبوون ب کۆرۆنایێ ھاتنە تومارکرن، ب ئاوایەکێ ٤٨٦ حالەت ل بەغدایا پایتەخت بووینە.

دازانین ژی، د وی دەمێ دیارکری دا  ٥٤ کەسان ژی ب ڤایرۆسێ کۆرۆنایێ ژیانا خۆ ژدەست دایە.

بەحس ژی کر، دوو ھزار و ١٤١ توشبوویێن دی ژی  ب تەمامی چێبووینەڤە و ڤەگەریاینە د ناڤ مالباتێن خۆ دا.

لدیف داوی ئامار ھەیا نھا ١٥٦ ھزار و ٩٩٥ کەس ل عێراقێ توشی ڤایرۆسێ کۆرۆنایێ بووینە، ژ وێ ھەژمارێ پێنج ھزار و ٥٣١ کەسان ژیانا خۆ ژدەست داینە، ١١٢ ھزار و ١٠٢ کەس ل نەخوشیێ چێبووینەڤە.