سەرنووچە:

داهاتێ مەها دەربازبوویی یێ دەرازینکێن سنوریێن عێراقێ هاتە بەلاڤکرن

فۆتۆ: 
2020-08-10

410 جار خوێندراوەتەوە

سەرۆکێ دەستەیا دەرازینکێن سنوریێن عێراقێ ڕاگەهاند، سەرۆک وەزیرێ عێراقێ جڤینەک بەرهەڤکریە و پلانا هوور دانایە ب ئارمانجا گەهشتن بۆ چارەسەریەکا هەڤبەش د ناڤبەرا حکومەتا ناڤەند و هەرێمێ دا،  دبێژیت ژی، "داهاتێ دەرازینکێن سنوری بۆ مەها دەربازبووێی ١٠٠ ملیار دیناربوویە".

عومەر وائیلی سەرۆکێ دەستەیا دەرازینکێن سنوریێن عێراقێ دەربارەی دەرازینکێن سنوریێن هەرێمێ بۆ ئاژانسا نووچەییا فەرمیا عێراقێ ڕاگەهاندیە، "مستەفا کازمی سەرۆک وەزیرێ عێراقێ جڤینەکا بەرهەڤکاریێ کریە ب ئارمانجا گەهشتن ب چارەسەرەکا هەڤبەش دگەل ئالیێ کوردی"، دبێژیت ژی، "بۆ وێ مەرەمێ ژی پلانەکا هوور لسەر بنەمایێ هەڤبەش بۆ گەهشتن ب ئارمانجەکا باش دانایە".

دیارکریە ژی، لسەر فەرمانا مستەفا کازمی هەژمارەک لیژنە هاتنە پێکئینان بۆ ئاشکراکرنا ماددەیێن کیمیایێن مەترسیدار ل دەرازینکێن سنوری.

بەحسا وێ یەکێ ژی کریە، داهاتێ دەرازینکێن سنوری بۆ مەها تیرمەهێ ١٠٠ ملیار دینار بوونە"، دبێژیت ژی، "ژ کۆما ٢١ دەرازینکێن سنوری ئەو داهاتە ژ حەفت بۆ هەشت دەرازینکێن سنوری بدەستڤەهاتیە".

س.م

‌بەپەلە