سەرنووچە:

ڤیدیۆ.. د بوویەرەکا ئاگربەربوونێ دا ٣٠ خیڤەتێن ئاوارەیان ل ڕۆژئاڤایێ کوردستانێ شەوتین

فۆتۆ: 
2020-08-09

212 جار خوێندراوەتەوە

بسەدەما تەقینا بتلەکێ غازێ ل کەمپا عەریشەیا پارێزگەها حەسەکێ ٣٠ خیڤەتێن ئاوارەیان شەوتین و سێ ئاکنجیێن کەمپێ ژی ژبەر دویکێلێ توشی بێهنتەنگیێ بوون.

میدیایێن ڕۆژئاڤایێ کوردستانێ بەلاڤکرن، ئێڤاریا ئەڤرۆ ژ ئەنجاما تەقینا بتلەکێ غازێ د یەک ژ خیڤەتێن کەمپا عەریشە دا ئاگر پەیدابوویە و ب وێ سەدەمێ ژی ٣٠ خیڤەت ب تەمامی شەوتینە و زرارێن زۆرێن مادی لپەیبوونە.

دیارکرنە ژی، ئاگر ژ ئالیێ تیمێن ئاگرڤەمراندنێ و ئاکنجیێن ناڤ کەمپێ هاتیە کۆنترۆلکرن، د دەما ئاگر ڤەمراندنێ دا سێ کەس توشی بێهنتەنگیێ بوونە و ژ ئالیێ هەیڤا سورا کوردیڤە پێدڤیێن ساخلەمیێ پێ هاتنەدانە و ڕەوشا وان باشبوویە.

س.م