سەرنووچە:

ل سێمێلێ بسەدەما شەڕەکێ کەسەک هاتە کوشتن چارێن دی ژی برینداربوون

شەڕ ب چەکی کرنە
فۆتۆ: 
2020-08-09

2301 جار خوێندراوەتەوە

ل قەزا سێمێلێ یا گرێدایی پارێزگەها دهۆکێ شەڕەک د ناڤبەرا هەژمارەک گەنجان دا دروستبوو و ب وێ سەدەمێ کەسەک هاتە کوشتن و چارێن دی ژی برینداربوون.

بێوار حلمی نووچەگەهانێ ئێن ئاڕ تی ل سێمێلێ ڕاگەهاند، بەریا دەمەکێ ل ناڤا بازاڕێ سێمێل بسەدەما بسەر یەکشکاندنا تڕۆمبێلێ شەڕ د ناڤبەرا هەژمارەک گەنجان دا دروستبوو و چەک بکارئینانە، ب وێ سەدەمێ ژی کەسەک هاتیە کوشتن و چارکەسێن دی ژی برینداربوونە.

دیارکر ژی، هەر یەکسەر پشتی بوویەرێ پۆلیس گەهشتنە وی جهی و ڕەوش کۆنترۆلکرنە و دەست ب ڤەکۆلینان کرنە، هەیا نها چ تشتەک دەربارەی بوویەرێ و دەستەسەرکرنا چ کەسەکی ئاشکرانەکرنە.

بەحسا وێ یەکێ ژی کر، ئەو چار کەسێن بریندار ژی ب مەرەما چارەسەریێ بۆ نەخۆشخانەیا تەنگاڤیان یا دهۆکێ هاتنە ڤەگوهاستن.

س.م

 

وێنێ وی کەسێ هاتی کوشتن