سەرنووچە:

دیارنینە دێ کەنگی شاندا هەرێمێ سەرەدانا بەغدا کەت

فۆتۆ: 
2020-08-09

400 جار خوێندراوەتەوە

ژێدەرەکێ ژ شاندا دانوستانکارا هەرێما کوردستانێ ڕاگەهاند، هەیا نها بەغدا بەرسڤا وان نەدایە، ژبەر وێ یەکێ دیار نینە دێ کەنگی سەرەدانا بەغدا کەن.

هەرچەندە سەرۆکێ فراکسیۆنا پارتی ل پەرلەمانێ بەغدا بۆ ڕووپەلا فەرمیا حزبا خۆ ڕاگەهاندبوو، دێ سێشەمبیا داهاتی شاندا هەرێمێ سەرەدانا بەغدا کەت، لێ ژێدەرەکێ ژ شاندا دانوستانکارا هەرێمێ بۆ ئێن ئاڕ تی ڕاگەهاند، دەما سەردانکرنێ دیار نینە.

وی ژێدەری دیارکریە ژی، ئەو چاڤەڕێی بەرسڤا حکومەتا عێراقێنە ژبۆ کو سەرەدانێ بکەن و هەیا نها ژی بەغدا بەرسڤا وان نەدایە.

بەحسا وێ یەکێ ژی کر، ئەو پێشبینی دکەن سەرەدانا وان بۆ بەغدا پێش چوونا مستەفا کازمی سەرۆک وەزیرێ عێراقێ بیت بۆ ئەمریکا.

ئەڤە ژی دەمەکێدایە، د جڤینا ڕۆژا ١ێ تیرمەهێ دا جڤاتا وەزیرێن هەرێمێ بڕیاردابوو کو ل ناڤەراستا ڤێ حەفتیێ جارەکا دی شاندا حکومەتا هەرێمێ سەرەدانا بەغدا بکەت ب مەرەما لهەڤهاتن دگەل بەغدا، لێ سەرەدان نەهاتە کرن.

س.م