سەرنووچە:

سەرکردەکێ پارتی: دگەل یەکێتی دێ پێداچوونێ د لھەڤھاتنێن خۆ دا کەین

فۆتۆ: 
2020-08-05

231 جار خوێندراوەتەوە

کاکەمین نەجار ڕاگەھاند، دێ پێداچوونێ د لھەڤھاتنا ناڤبەرا خۆ دا کەین و بڕیارە بۆ وێ مەرەمێ و چارەسەرکرنا مژاران دگەل یەکێتی بجڤین.

کاکەمین نەجار ئەندامێ مەکتەبا سیاسی یا پارتی بۆ میدیایێن فەرمی یا حزبا خۆ ڕاگەھاند، دێ دگەل یەکێتی پێداچوونێ د لھەڤھاتنا ناڤبەرا خۆ دا کەن ، دبێژیت ژی، " بڕیارە جارەک دی ئەم و برادەرێ مەیێن یەکێتی بجڤین ، ژبەر کو نھا پەیوەندیێن مە باشترن و ئالۆزی نەمانە ، ھەر چەندە رەوشا ساخلەمیێ نەیا جێگیرە و دەما جڤینا داھاتی دیار نینە".

ئاماژە کریە ژی، " بەری نھا پارتی و یەکێتی لھەڤھاتنا سیاسی ھبوویە دەربارەی ئیدارەدانا ھەرێما کوردستانێ د ھەموو بیاڤان دا ، ژ وان ژی کو پەیوەندیێن مە دگەل بەغدا چاوابن و پەیوەندیێن دگەل ئالیان و ڕێڤەبرنا ئیدارەیا ھەرێمێ ، دێ پێداچوونێ وێ لھەڤھاتنێ دا کەین بزانین کێماسی د کیڤە دا ھەیە".

ئاشکراکر ژی، " مە لھەڤھاتنەک دی دگەل یەکێتی ھەیە لسەر پێکئینانا حکومەتا ھەرێما کوردستانێ ، دێ پێداچوون بۆ وێژی ھێتە کرن و دێ  کریزا دارایی و مژارێن سیاسی و ئاریشێن دگەل بەغدا ھێنە بەحسکرن".