سەرنووچە:

حکومەتا ھەرێمێ کۆژمەکێ پارەی بۆ ساخلەمیا دھۆکێ تەرخانکر

فۆتۆ: 
2020-08-05

183 جار خوێندراوەتەوە

ساخلەمیا ھەرێمێ ڕاگەھاند، ب فەرمانا سەرۆکێ حکومەتا ھەرێما کوردستانێ یەک ملیار دینار بۆ ساخلەمیا دھۆکێ ھات تەرخانکرن.

وەزارەتا ساخلەمیا حکومەتا ھەرێما کوردستانێ ڕاگەھاندنەک بەلاڤکر و تێدا ھاتیە، " ئەڤرۆ چارشەمبیێ ب فەرمانا مەسرور بارزانی سەرۆکێ حکومەتا ھەرێما کوردستانێ و د کڤانێ بزاڤێن رووبرووبوونا ڤایرۆسێ کۆرۆنایێ دا ، کۆژمێ یەک ملیار دیناران بۆ ساخلەمی و پارێزگەھا دھۆکێ ھات تەرخانکرن".

وەزارەتا ساخلەمیێ ئەو یەک دایە زانین ژی، " کو بەشەکا بودجەیا ھەوارھاتنا حکومەتا ھەرێمێ بۆ رووبرووبوونا کۆرۆنایێ یە کو بۆ دەڤەر و پارێزگەھێن ھەرێمێ ھاتیە تەرخانکرن".

ھەڤدەم، پشتی نیڤرۆیا ئەڤرۆ چارشەمبیێ تووشبوویەکا کۆرۆنایێ ل یەک ژ نەخۆشخانێن باژارێ دھۆکێ ، ب سەدەما نەمانا ئۆکسجینێ جانێ خۆ ژدەست دایە، کو ئەو توشبوویا جانێ خۆ ژدەستدایە ئافرەتەکا سەر ٦۰ سالیێ دا بوویە.

کچا وێ ژنا جانێ خۆ ژدەستدای بۆ ئێن ئاڕ تی ڕاگەھاند،" دەیکا من ب سەدەما کێمترخەمیا کارمەندان و نۆژدارێن نەخۆشخانەیێ و پێ نەدانا ئۆکسجینێ جانێ خۆ ژدەستدایە".

ئەڤە ژی د دەمەکێ دایە ئەو کەسێن ب سەدەما کۆرۆنایێ ل پارێزگەھا دھۆکێ جانێ خۆ ژدەستدانە بۆنە حەفت کەس.