سەرنووچە:

ساخلەمیا دھۆکێ دەربارەی جان ژدەستدانا نەخۆشا ئەڤرۆ زەلالکرنەک دا

فۆتۆ: 
2020-08-05

875 جار خوێندراوەتەوە

ساخلەمیا دھۆکێ ڕاگەھاند ، " چ ئاریشێن ئۆکسجینێ ل نەخۆشخانەیێ نینن و ژبەر تەمەن و نەخۆشیا دژۆار یا وێ ژنێ جانێ خۆ ژدەستدایە".

رێڤەبەریا گشتی یا ساخلەمیا پارێزگەھا دھۆکێ لسەر جان ژدەستدانا وێ ژنا ئەڤرۆ یا توشبوویا کۆرۆنای ڕاگەھاند، " نەخۆشا ناڤبری ل روژا ٢٨/٧/٢٠٢٠ ل نەخۆشخانا کاڤین ھاتبوو نڤاندن و ژبەرکو ژیێ وێ ٦٥ سالبوون و ئێشێن دومدرێژ ھەبوون و رەوشا وێ یا دژوار بوو، لەورا ھاتە رەوانەکرن بو نەخۆشخانا تایبەت یا چارەسەریا تووشبوویێن کۆرۆنایێ و ھەموو کارێن پێدڤی بو ھاتینە کرن".

دایە زانین ژی، " ل رۆژا دوێ رەوشا وێ ب مەترسی کەفت و  لسەر ئوکسجینێ ھاتە دانان و چ ئاریشەیێن نەبوونا ئوکسجینێ ل نەخۆشخانێ نینن".

ئاماژەکر ژی، پاش ژ ئەنجامێ دژواربوونا حالەتێ وێ لسەر ئامیرێن ھەناسەدانا دەستکرد ل نەخۆشخانێ ھاتە دانان و ژبەر خڕابیا رەوشا وێ جانێ  خۆ ژدەستدایە".

ھەڤدەم، پشتی نیڤرۆیا ئەڤرۆ چارشەمبیێ تووشبوویەکا کۆرۆنایێ ل یەک ژ نەخۆشخانێن باژارێ دھۆکێ ، ب سەدەما نەمانا ئۆکسجینێ جانێ خۆ ژدەست دایە، کو ئەو توشبوویا جانێ خۆ ژدەستدایە ئافرەتەکا سەر ٦۰ سالیێ دا بوویە.

کچا وێ ژنا جانێ خۆ ژدەستدای بۆ ئێن ئاڕ تی ڕاگەھاند،" دەیکا من ب سەدەما کێمترخەمیا کارمەندان و نۆژدارێن نەخۆشخانەیێ و پێ نەدانا ئۆکسجینێ جانێ خۆ ژدەستدایە".

ئەڤە ژی د دەمەکێ دایە ئەو کەسێن ب سەدەما کۆرۆنایێ ل پارێزگەھا دھۆکێ جانێ خۆ ژدەستدانە بۆنە حەفت کەس.

نووچەگەهانێ ئێن ئاڕ تی ، تائیف گۆران ، دهۆک