سەرنووچە:

ب سەدەما نەمانا ئۆکسجینێ توشبوویەکا کۆرۆنایێ ل دھۆکێ جانێ خۆ ژدەستدا

فۆتۆ: 
2020-08-05

546 جار خوێندراوەتەوە

نووچەگەھانێ ئێن ئاڕ تی ل دھۆکێ ڕاگەھاند، پشتی نیڤرۆیا ئەڤرۆ چارشەمبیێ تووشبوویەکا کۆرۆنایێ ل یەک ژ نەخۆشخانێن باژارێ دھۆکێ ، ب سەدەما نەمانا ئۆکسجینێ جانێ خۆ ژدەست دایە.

 دایە زانین ژی ، کو ئەو توشبوویا جانێ خۆ ژدەستدایە ئافرەتەکا سەر ٦۰ سالیێ دا بوویە.

کچا وێ ژنا جانێ خۆ ژدەستدای بۆ ئێن ئاڕ تی ڕاگەھاند، " بۆ دەما حەفتیەکێ یە دەیک و بابێ من د نەخۆشخانێ ڤە ھاتنە نڤاندن ، ڕەۆشا ساخلەمیا دەیکا من رۆژ ب رۆژ خراب دبوو، نھا دا ڕەۆشا بابێ من ژی نەیا باشە".

گوت ژی، " دەیکا من ب سەدەما کێمترخەمیا کارمەندان و نۆژدارێن نەخۆشخانەیێ و پێ نەدانا ئۆکسجینێ جانێ خۆ ژدەستدایە".

ئەڤە ژی د دەمەکێ دایە ئەو کەسێن ب سەدەما کۆرۆنایێ ل پارێزگەھا دھۆکێ جانێ خۆ ژدەستدانە بۆنە حەفت کەس.

نووچەگەهانێ ئێن ئاڕ تی ، تائیف گۆران ، دهۆک