سەرنووچە:

دەرازینا ئیبراهیم خەلیل زەلالکرنەک لسەر بوویەرا شەوتینا دوو بارهەلگران دا

فۆتۆ: 
2020-08-04

250 جار خوێندراوەتەوە

دەرازینا ئیبراهیم خەلیل یا ناڤدەولەتی زەلالکرنەک لسەر بوویەرا شەوتینا دوو بارهەلگرێن تورکی دا و ڕاگەهاند، "دەنگۆیا شەوتینا ئۆفیس و دۆسیەیێن دەرازینکێ راست نینە".

کامی کەمال پەیڤدارێ دەرازینکا ئیبراهیم خەلیل یا ناڤدەولەتی ڕاگەهاند، " ل ھندەک لاپەرەیێن سوشیال میدیایێ و تورێن جڤاکی گوت گوتکەک بەلاڤ بوویە کو ئوفیس و کوگەھ و دوسیەیێن دەرازینکێ یێن ھاتینە شەوتین، ئەم ڤان گۆت گۆتکان رەد دکەین و بێ بنەما ل قەلەم ددەین".

دایە زانین ژی، " ھەر دەزگەھەکێ راگەھاندنێ بخوازیت دشێت ب مەیدانی سەردانا مە بکەت و راستیا بوویەرێ یا دیارە".

ئەڤە دەمەکێ دایە ، دوهی ئێڤاری ل دەرازینکا ئیبراهیم خەلیل ل قەزا زاخۆ ئاگر ب دوو ترۆمبێلێن بارهەلگرێن تورکیا کەفت و شەوتین.

هەڤدەم ، د تورێن جڤاکی و هند دەزگەهێن میدیایی دا هاتبوو بەلاڤکرن کو ئوفیس و کوگەھ و دوسیەیێن دەرازینکێ یێن شەوتین.

‌بەپەلە