سەرنووچە:

سەندیکا نوژداران دەربارەی داخستنا نورینگەهان راگەهاندنەک بەلاڤکر

فۆتۆ: 
2020-08-03

489 جار خوێندراوەتەوە

سەندیکا نوژدارێن کوردستانێ راگەهاند، پشکەک ژ بریارێن جڤاتا بلندا ریبریبوونا کۆرۆنایێ نەزانستی و نەواقعینە و دگەل رێنمایێن زانستی یێن جیهانی هەڤناگرن، کو چ مفایەکێ وەها بۆ رێگریکرنا ڤایروسی ناگەهینن و دێ بیتە بارگرانیا مادی لسەر وەلاتیان.

سەندیکا نوژدارێن کوردستانێ دەربارەی داخستنا نورینگان راگەهاند، ئەڤرو ئێڤاری ٣ێ تەباخا ٢٠٢٠ێ جڤاتا بلندا ریبریبوونا کۆرۆنایێ، کومەکا رێنمایان بەلاڤکرن، تێدا بریارا داخستنا نورینگە و سەنتەر و کومەلگەهێن فەرمی بۆ دەما ١٤ بهێنە داخستن، بێ کو بۆ سەندیکایێ ڤەگەریابن.

دیار ژی کر، " پشکەک ژ بریارێن جڤاتا بلندا ریبریبوونا کۆرۆنایێ نەزانستی و نەواقعینە و دگەل رێنمایێن زانستی یێن جیهانی هەڤناگرن، چ مفایەکێ وەها بۆ رێگریکرنا ڤایروسی ناگەهینن و دێ بیتە بارگرانیا مادی لسەر وەلاتیان".

بەحس ژی کر، ب تایبەتی نها پتریا نەخوشخانەیێن گشتی ل هەولێرێ داخستیە، تاکە رێک بۆ وەلاتیان، کلینیکێن تایبەتن کو چارەسەری و دەستنیشانکرنا کۆرۆنایێ و نەخوشیین دی دکەن، داخستنا نورینگەهــ و سەنتەران دێ زیدەتر قەرەبالغێ دروست کەت".

دیار ژی کر، "داخواز دکەین ب بریارێن خۆ دا بچن، و تێبینیین سەندیکایێ بەرچاڤ وەر بگرن، هەیا روژا شەمبی ٨ێ تەباخێ ب داخستی بهێلن".