سەرنووچە:

ل دهۆکێ دەربارەی دەواما فەرمانگەهێن حکومی بڕیار هاتەدان

فۆتۆ: 
2020-08-03

1829 جار خوێندراوەتەوە

ب بریارا ژورا ئۆپەراسیۆنا بەرهەنگاربوونا کۆرۆنایێ ل دهۆکێ دەواما فەرمانگەهێن حکومی سوبەهی سێشەمبێ هەیا ١٥ ڤێ مەهێ دێ هێتە راگرتن.

ماجد سەید سالح جێگرێ پارێزگارێ د کۆنفرانسەکا رۆژنامەڤانی راگەهاند، قەدەغەیا هاتن و چوونێ ناهێتە راگەهاندن لێ دەوامێن فەرمانگەهێن حکومی ٤ێ ڤێ مەهێ هەیا ١٥ێ ٨ دێ هێتە راگرتن.

دایەزانین ژی، د نها دا ئامارێن توشبوون و ژیان ژدەستدانێ ل پاریزگەها دهۆکێ بەر ب زێدەبوونێ یە، لدیف بریارا هەژمارە ٤٨ یا ئەڤرۆ ل وەزارەتا نافخۆیا هەرێمێ دێ چەندی رێکار هێنە وەرگرتن.

دازانین ژی، لدیف رێکارین ل وەزارەتێ دەرکەتین لیژنا ریبریبوونا پارێزگەها دهۆکێ هەماهەنگی کریە و چەند بریارەک زێدەکرینە، ئەو ژی هەر کەسەکێ سەرەدانا خورنگەهـ و مارکێتان بێ ماسک و دەستکێش بکەت دێ خودانێ جهی ب ملیۆن دیناران هێتە سزادان و جهی وی ژی بو دەما ١٠ روژان هێتە داخستن.

دیار ژی کر، هەمی نورینگە و جهێن نوژداری و سەنتەرێن جوانکاریێ و جهێن گەشتیاری و کافتریا و چایخانە دی بۆ دەما ١٤ روژان هێنە داخستن و بریار دێ ١٢ێ شەڤ چنە د بیاڤێ جێبجێکرنێ دا.

ئەڤە د دەمەکێ دایە، کو هەر ئێڤاریا ئەڤرۆ دووشەمبێ، وەزارەتا ناڤخۆیا هەرێمێ چەند بڕیارێن نوو دەرکرن و کو تێدا هاتیە، بڕیارهاتیە دان ب داخستنا جهێن گەشتیاری و پارک و کافتریا و چایخانەیان، هەروەسا دەرازینکا ئیبراهیم خەلیل ژی بۆ دەمێ حەفتیەکێ  دێ ب ڕوویێ گەشتیاران داهێتە داخستن.