سەرنووچە:

دەربارەی ڕاگەهاندنا قەدەغەیا هاتن و چوونێ ل دهۆکێ بریار هاتەدان

فۆتۆ: 
2020-08-03

5345 جار خوێندراوەتەوە

جێگرێ پارێزگارێ دهۆکێ دەربارەی ڕاگەهاندنا قەدەغەیا هاتن و چوونێ ل سنورێ پارێزگەها دهۆکێ ڕاگەهاند، قەدەغەیا هاتن و چوونێ ناهێتە ڕاگەهاندن، لێ بریارا داخستنا چەند جهان هاتەدان.

ماجد سەید سالح جێگرێ پارێزگارێ دهۆکێ د کونفرەنسەکێ روژنامەڤانی دا راگەهاند، د نها دا ئامارێن توشبوون و ژیان ژدەستدانێ ل پاریزگەها دهۆکێ بەر ب زێدەبوونێ یە، لدیف بریارا هەژمارە ٤٨ یا ئەڤرۆ ل وەزارەتا نافخۆیا هەرێمێ دێ چەندی رێکار هێنە وەرگرتن.

دازانین ژی، لدیف رێکارین ل وەزارەتێ دەرکەتین لیژنا ریبریبوونا پارێزگەها دهۆکێ هەماهەنگی کریە و چەند بریارەک زێدەکرینە، ئەو ژی هەر کەسەکێ سەرەدانا خورنگەهـ و مارکێتان بێ ماسک و دەستکێش بکەت دێ خودانێ جهی ب ملیۆن دیناران هێتە سزادان و جهی وی ژی بو دەما ١٠ روژان هێتە داخستن.

دیار ژی کر، هەمی نورینگە و جهێن نوژداری و سەنتەرێن جوانکاریێ و جهێن گەشتیاری و کافتریا و چایخانە دی بۆ دەما ١٤ روژان هێنە داخستن و بریار دێ ١٢ێ شەڤ چنە د بیاڤێ جێبجێکرنێ دا.

جێگرێ پاریزگارێ دهۆکێ گوت ژی"دەوام ل دەزگەهێن میری دێ هێتە راگرتن و ناهیتە کرن هەیا ١٥ێ تەباخێ، هاتنوچوونا د ناڤبەرا پارێزگەهێن هەرێمێ دێ یا سنوردار بیت، دگەل پاریزگەهێن عێراقێ ژی قەدەغەیە".