سەرنووچە:

سەرۆکێ هەرێمێ: زەمینەیەکا گونجای بۆ ئاڤەدانکرنا شنگالێ نینە

فۆتۆ: 
2020-08-03

209 جار خوێندراوەتەوە

د سالڤەگەرا کەفتنا شنگالێ دا سەرۆکذ هەرێمێ ڕاگەهاند، بزاڤێن ب پارێزگەهکرنا شنگالێ دێ بەردەوامبیت، هەڤدەم، سەرۆکێ حکومەتێ ژی داخوازێ ژ حکومەتا عێراقێ دکەت قەرەبوویا خەلکێ شنگالێ بکەن.

ئەڤرۆ شەش سال بسەر داگیرکرنا شنگالێ ژ ئالیێ داعشێ ڤە دەربازدبیت، دەربارەی وێیەکێ هەریەک ژ سەرۆکێ هەرێمێ و سەرۆکێ حکومەتا هەرێمێ ڕاگەهاندن بەلاڤکرن.

سەرۆکێ هەرێمێ ڕاگەهاند، هەیا نها برینا خوشک و برایێن ئیزدی خوین ژێ دباریت ب هزارەهان ژ کەمپێن ئاوارەیان دا دژین. شنگال و دەڤەرێن دیێن ئێزدیان هێشتا نەهاتنە ئاڤەدانکرن و زەمینەیەکا گونجای بۆ ڤەگەراندنا ئێمناهیێ و ژیانێ بۆ وان تێدا نینە.

نێچیرڤان بارزانی ڕاگەهاند ژی، شەنگال کریە جهـ و مۆلگەها چەکدارێن نەیاسایی کو بێ ڕەحمانە برین و خەما ئێزدیان مژولی برێڤەبرنا ئەجێندا و بەرنامەیێن خۆ یێن سیاسینە.

بەحسا وێیەکێ ژی کر، دگەل حکومەتا فیدڕال و ئیدارا پارێزگەها موسل هەموو هەڤکاری و هەڤبەندیەکێ دکەن بۆ ڤەگەڕاندنا ئێمناهیێ بۆ شنگاڵێ و لسەر ئاستێ نێڤدەلەتی ژی دێ کارکەن هەیا بهەڤکریا یوئێنێ ئەو تاوان ب جینۆساید بهێتە ناسکرن.