سەرنووچە:

ئەڤرۆ شەش سال بسەر کومکوژیا شنگالێ دەربازبوون

فۆتۆ: 
2020-08-03

280 جار خوێندراوەتەوە

ئەڤرۆ شەش سال بسەر کومکوژیا شنگالێ دا دەربازبوون ، زێدەباری شەھیدبوونا سەدان کوردێن ئێزدی ب سەدان ھزار کەس ژی ئاوارەو دەربدەربوون و ھزاران کەس  ژ ئالیێ داعش ڤە ھاتنە بەرزەکرن.

د رۆژەکا وەک ئەڤرۆدا ۳ێ تەباخا ۲۰۱٤ێ قەزا شنگالێ ژ ئالیێ ڕێکخراوا تیرۆرستی یا داعش ڤە ھاتە کۆنترۆلکرن و ب وێ سەدەمێ دەھان وەلاتیێن ئێزدی ھاتنە کۆشتن و بێسەرۆشینکرن و شەش ھزار کچ و ژن و زارۆکێن ئێزدی ھاتبوون رەڤاندن، ژ وان ژی ھەیا نھا سێ ھزار و ٥٤۰ کەس ھاتنە ئازادکرن و چارەنڤیسا دوو ھزار و ٨۷۷ کەسێن دی دیار نینە.

ھەڤدەم ، پشتی کۆنترۆلکرنا قەزا  شەنگالێ ژ ئالیێ داعش ڤە ٦٨  مەزارێن ئۆلی یێن دیرۆکی ھاتنە ژناڤبرن.

ھەروەسا د ۱۳ێ مژدارا سالا ۲۰۱٥ و پشتی سالەکێ ژ کۆنترۆلکرنا شنگالێ ژ ئالیێ ھێزێن پێشمەرگەی و گەریلا و شەرڤانان ب پشتەڤانیا ھێزێن ناڤدەولەتی ئەو قەزا ھات ئازادکرن.

د نھا دا ژی دوو ھزار زارۆیێن ئێزدی بێسەمیان مانە و  ۳۰ ھزار خێزانێن وی باژاری ئاوارەنە د ناڤا کەمپێن دھۆکێ دا بجیبوونە.

رۆژا ٣ێ تەباخا ٢٠١٤ێ چەکدارێن داعش ھێرشی سەر باژارێ شنگالێ کر و ھەژمارەکا زوور کوشتن و ڕەڤاندن و ھەیا نھا چارەنڤیسێ ھند ژوان وان نەدیارە.