سەرنووچە:

عێراقێ دەما ڤەکرنا بالەفرخانان دیارکر

فۆتۆ: 
2020-07-16

471 جار خوێندراوەتەوە

لیژنەیا بلندا بەرهەنگاربوونا کۆرۆنایێ ل عێراقێ ڕاگەهاند، ڕۆژا ٢٣ێ ڤێ مەهێ بالەفرخانە دێ هێنە ڤەکرن. دبێژیت ژی، "قەدەغەیا هاتن و چوونێ ژ ٩ێ شەڤێ بۆ ٦ێ سپێدd دێ هێتە کێمکرن".

ئەڤرۆ پێنجشەمبێ، لیژنەیا بلندا بەرهەنگاربوونا کۆرۆنایێ ل عێراقێ د راگەهاندنەکێ دا ئاماژە ب وێیەکێ کر، وان بڕیاردایە ٢٣ێ ڤێ مەهێ بالەفڕخانەیان و هندەک ژ دەرازینکێن سنوریان ڤەکەن.

بەحسا وێیەکێ ژی کر، دێ بلەز هەریەک ژ دەرازینکێن مونزریە، سەفوان و ئەلشەیب بۆ لهەڤگوهەڕتنێن بازرگانی هێنە ڤەکرن.

لیژنەیا بەرهەنگاربوونا کۆرۆنایێ ل عێراقێ بریار دایە ژی، پشتی جەژنا قوربانێ، ب مەرجێ ساخلەمیێ،هەموو ڕێکارێن دژی کۆرۆنایێ ئاسای بکەن.

هەڤدەم، دەمێ قەدەغەیا هاتن و چوونێ ژ ٩ێ شەڤێ بۆ ٦ێ سپێدێ کێمکر و ڕاگەهاند، ب مەرجێ ساخلەمیێ و خۆپارێزیێ، ل دەمێن بهێت دێ تەڤاهیا مۆلان هێنەڤەکرن.

ل مەها ئادارا دەربازبووی، حکومەتا عێراقێ قەدەغەیا هاتن و چوونێ ب ئاوایەکێ تەمام و ب چەندین قۆناغ ڕاگەهاند، ب دیار کری ژی ١٦ێ ئادارێ، تەڤاهیا گەشتێن خۆیێن ئەسمانی ڕاگرتن.