سەرنووچە:

پەرلەمانێ عێراقێ نەخشەرێیەک بۆ بڕێڤەبرنا دەرازینکێن سنوری ئاشکراکر

فۆتۆ: 
2020-07-16

1049 جار خوێندراوەتەوە

ئەندامەکێ لیژنەیا ئاسایش و بەڕەڤانیا پەرلەمانێ عێراقێ ڕاگەھاند ، حکومەتا فیدرال و حکومەتا ھەرێما کوردستانێ نەخشەرێیەک دانایە بۆ بڕێڤەبرنا دەرازینکێن سنوری لگۆر دەستوری.

ھەرێم کەمال ئاغا ئەندامێ لیژنەیا ئاسایش و بەرەڤانیێ ل پەرلەمانێ عێراقێ ڕاگەھاند، دەرازینکێن سنوری گرنگیەکا زێدە ھەیە  ژ روویێ ئابوری و رێکخستنا وان ڤە پێدڤیەک گرنگە بۆ بەرفرەھکرنا ئابورێ ولاتی د چارچۆڤەیا دەستوری دا کو دڤێت دەرازینک د بن دەستھەلاتا وەزارەتا دارایی و کارۆبارێن دەرازینکان بن.

ئاماژە کریە ژی، مامەلەیێن دەربازبوویی زەرەر ب داھاتێ ئابۆریێ عێراقێ گەھاندیە ، دیارکر ژی، دووبارە رێکخستنا دەرازینکان و داھاتێن وان لسەر بنەمایا ڤەگەراندنێ بۆ خزینەیا ولاتی کارەک باشە.

گوت ژی، د جڤینا دەربازبوویی یا ناڤبەرا بەغدا و ھەولێرێ دا بەحسا دەرازینکێن ھەرێمێ ھاتنە کرن و لھەڤھاتن ھاتیە کرن دگەل ھەرێمێ ب دانانا نەخشەرێیەکێ بۆ بڕێڤەبرنا دەرازینکان لگۆر دەستوری.

زەلالکریە ژی، ئەو جڤینێن دەربارەی دەرازینکان ھاتنە کرن باش بوونە و د روونشتنان دا ھەرێمێ داتایێن تەمام رادەستی بەغدا کرنە.

ڕاگەھاند ژی، حکومەتا ھەرێمێ بەرھەڤە لھەڤھاتنێ دگەل بەغدا بکەت لسەر بڕێڤەبرنا دەرازینکێن سنوری.

زەلالکریە ژی، دید و بوچوونێن حکومەتا فیدرال و کازمی ب ئاراستەیا گەھشتن ب لھەڤھاتنا داویی بۆ نەھێلانا ئاریشەیانە.

ئاغا پێشبینی ژی کر، شاندەکا کوردی سەردانا بەغدا بکەت بۆ تمامکرنا دانۆستاندنان ، ژبەر کو پێدڤیە ئەو گۆتوبێژ بەردەوامبن و د نھا دا بەرەڤپێشچوونێن بەرچاڤ ھەنە و قۆناغێن زێدە ھاتنە بڕین