سەرنووچە:

وەزیرێ دەرڤەیێ فەرەنسا دێ سەرەدانا بەغدا کەت

فۆتۆ: 
2020-07-16

136 جار خوێندراوەتەوە

پەیڤدارێ وەزارەتا دەرڤەیا حکومەتا عێراقێ ڕاگەهاند، بڕیارە ئەڤرۆ پێنجشەمبێ جان ئێف لۆدریان وەزیرێ دەرڤەیێ فەڕەنسا سەرەدانا بەغدا و هەولێرێ بکەت.

ئەحمەد سەحاف، پەیڤدارێ وەزارەتا دەرڤەیا عێراقی ڕاگەهاند، بڕیارە لۆدریان هەژمارەکا بەرپرسین عێراقێ ببینیت، د ناڤ وان دا ژی، هەریەک ژ سەرۆککۆمار و سەرۆککوەزیران، هەڤدەم، دگەل جنین پلاسخارت نوونەرێ ئەمیندارێ گشتییێ نەتەوێن هەڤگرتی ژی بجڤیت و دبێژیت ژی،" وەزیرێ دەرڤەیێ فەرەنسا پشتی بەغدا دێ سەرەدانا هەولێرێ ژی کەت".

بەحسا وێیەکێ ژی کر، بڕیارە بەحسا هەڤکاریا ناڤبەرا هەردوو وەلاتان ب تایبەت دبیاڤێن کەرتا ساخلەمی و کارەبا و رۆشنبیریێ بهێتەکرن.

دیارکر ژی، ژبەر خرابیا ڕەوشا دارایی بڕیارە لۆدریان چەند پرۆژەیێن هەڤکاریێ پێشکێشی گەلێ عێراقێ بکەت.