سەرنووچە:

بالەفرەکا سەربازی یا تورکیا کەفت و حەفت کارمەندێن ئاسایشێ ژیانا خۆ ژدەستدان

دوو ژ وان بالەفرڤان بوونە
فۆتۆ: 
2020-07-16

267 جار خوێندراوەتەوە

بالەفرەکا پشکنین و چاڤدێریا تورکیا لسەر سنورێ پارێزگەھا وانێ کەفت و ب وێ سەدەمێ ژی حەفت کارمەندێن ئاسایشێ ژیانا خۆ ژدەستدان و دوو ژ وان بالەفرڤان بوونە.

ئاژانسا ئەنادۆل یا تورکی ڕاگەھاند، ل زارێ سولەیمان سۆیلو وەزیرێ نافخۆ یێ تورکیا ڕاگەھاند ، بالەفرێ خۆ ل چیایێ ئارتۆس دایە کو دوو ھزار و ۲۰۰ مەتران ل ئاستا روویێ دەریایێ بلندە و دەمژمێر سێ شەڤێ بالەفر ھاتیە دیتن.

ئاماژە کریە ژی، کو ئەو بالەفر چاڤدێریا پارێزگەھا وان و ھەکاریێ کریە.

ئەڤە ژی دەمەکێ دایە زێدەتر ژ مەھەکێ یە ھێزێن تورکیا ب ئۆپەراسیۆنێن جوودا ھێرشی سەر گەریلایێن پەکەکێ ل سنورێ ھەرێما کوردستانێ دکەن.