سەرنووچە:

ل ئامەد و عەنتابێ هەژمارەکا ئالیگرێن هەدەپێ ھاتنە دەستەسەرکرن

فۆتۆ: 
2020-07-14

117 جار خوێندراوەتەوە

ل باکورێ کوردستانێ ل باژارێن ئامەد و عنتابێ پۆلسان ب سەر مالێن ئەندام و ئالگرێن ھەدەپێ دا گرتن و هەژمارەک دەستەسەر کرن.

گولستان کۆربان نووچەگەهانا ئێن ئاڕ تی ل ئامەدێ راگەهاند، ل باژارێن ئامەد و عنتابێ پۆلسان ب سەر مالێن ئەندام و ئالیگرێن ھەدەپێ، رۆژنامەڤان و چالاکڤانێن ژن دا گرت.

راگەهاند ژی، ل  عەنتابێ ھەڤسەرۆکێ باژارێن ھەدەپێ مووسا ئایدن و مەھمەت ڤوورال ژی د ناڤ دا بوون، ب ئاوایەکێ گشتی ٣٣ کەس ھاتنە دەستەسەرکرن.

دیار ژی کر، بریارا دەستەرکرنێ هاتیەدان د چارچۆڤەیا لێپرسینا کو ژ ئالیێ سەردۆزگەریا کۆماری یا دیلۆکێ ڤە ھاتیە دەستپێکرن.

دازانین ژی، ل ئامەدێ ژی ب بریارا سەردۆزگەریا کۆماری یا ئامەدێ رۆژنامەڤان عایشا گونەی ژی د ناڤ دا بوویە و  ٨ ژن ھاتنە بنچاڤکرن و سەدەمێ بنچاڤکرنا وان نەهاتیە زانین.