سەرنووچە:

ڤان ولاتان داشکاندن د بهایێ بدەستڤەئینانا پاسپۆرت و رەگەزنامان کر

فۆتۆ: 
2020-07-13

64 جار خوێندراوەتەوە

پشکەک ژ وان ولاتێن کو رەگەزنامە و پاسپورێن خۆ ب پارە ب کەسێن بیانی ددەن، داشکاندن د بهایێ پاسپۆرت و رەگەزنامان دا کریە.

مالپەرێ بلومبێرگ بەلاڤکریە، هەردوو گرئاڤێن (سانت کیتس و نڤیس) ل دەریا کاربی، کو دوو دورگێن ئەولەنە و هەژمارا ئاکنجیێن وان ٥٣ هزار کەسن، داشکاندن د وی پارەی دا کریە یێ کو بۆ وان کەسێن بیانی دیارکربووهەیا رەگەزنامە و پاسپۆرت پێ دهاتە دان، ئەڤە ژی وەک بزاڤەک بۆ راکێشانا خەلکێ بیانی و کونترولکرنا ئاریشێن دارایی.

ئەوکەسێن دخوازن رەگەزنامە و پاسپورتان بدەست بێخن، هەیا داویا ئەڤسالە دکارن ب  ١٥٠هزار دولاران بدەستبێخن، کو ئەو پارە بۆ چوار کەسانە کو رەگەزنامە و پاسپۆرت پێ دهێنەدان، کو بڤی ئاوایی وان گرئاڤان ب ٢٣% داشکاندن کریە، کو بەری نها هەمان پاسپۆرت و رەگەزنامە ب ١٩٥ هزار دولاران بوون.

هەر لدیف سایتێ بلۆمبێرگ، هندەک گرئاڤێن دی ل وان دەڤەران هەنە، د داهاتی دا دێ بهایێن ئەرزانتر دیار کەن، د ناڤ وان دا ژی (دومینیگان، ئەنتیگوا، بەربۆدا)، چێدبیت بهایێ ڤان جهان داکەڤیت بۆ ١٠٠ هزار دولاران.