سەرنووچە:

ساخلەمیا عێراقێ ئامارا ٢٤ دەمژمێرێن دەربازبوویی یا توشبوویێن کۆرۆنایێ بەلاڤکر

فۆتۆ: 
2020-07-13

127 جار خوێندراوەتەوە

وەزارەتا ساخلەمیا عێراقێ راگەهاند، د ٢٤ دەمژمێرێن دەربازبووی دا، هزار و ٩٧٥ حالەتێن توشبوون ب کۆرۆنایێ دوو هزار و ١٩٠ حالەتێن چێبوونەڤە و ٨٦ حالەتێن ژیان ژدەستدانێ هاتنە تۆمارکرن.

ئەڤرۆ دووشەمبیێ، وەزارەتا ژینگەهـ و ساخلەمیا عێراقێ راگەهاند، د ٢٤ دەمژمێرێن دەربازبووى دا، هزار و ٩٧٥ حالەتێن نوویێن توشبوون ب کۆرۆنایێ هاتنە تۆمارکرن، ب ئاوایەکێ ٧٧٥ حالەت ل بەغدایا پایتەخت بوونە.

دیارکریە ژی، دوو هزار و ١٩٠ توشبوویێن دی ژى  ب تەمامی چێبووینەڤە، کو ٨١١ کەس ژ وان ل بەغدانە.

ئەو یەک ژی دایەزانین، د وی دەمێ دیارکری دا ٨٦ کەسان ب ڤایرۆسێ کۆرۆنایێ ژیانا خۆ ژدەست دایە.

لگۆری داویی ئاماران، هەیا نها ٧٩ هزار و ٧٣٥ کەس ل عێراقێ توشی ڤایرۆسێ کۆرۆنایێ بووینە، ژ وێ هەژمارێ ژی سێ هزار و ٢٥٠ کەسان ژیانا خۆ ژدەست داینە، ٤٦ هزار و ٩٩٨ کەس ژی ژ نەخۆشیێ چێبووینەڤە.

س.م