سەرنووچە:

وەزارەتا پەروەردێ دەربارەی بەرسڤێن پرسیارێن پۆلا ١٢ێ زەلالکرن دا

فۆتۆ: 
2020-07-13

652 جار خوێندراوەتەوە

وەزارەتا پەروەردا هەرێمێ ڕاگەهاند، پشتی هەر بابەتەکێ ئەزموونێن گشتیێن قۆناغا ئامادەیی، ژ ئالیێ لیژنەیا پسپۆر ڤە بەرسڤا نمونەیی بۆ پرسیاران دهێتە دانان و پشترا ل ڕۆژا داویێ یا تاقیکرنێن گشتی، ئەو بەرسڤ پلەیا داویێ وەردگرن.

ئەڤرۆ دووشەمبیێ وەزارەتا پەروەردا هەرێمێ زەلالکرنەک دەربارەی پرسیارێن ئەزموونێن گشتی بەلاڤکر و تێدا هاتیە، "هەوە ئاگەهدار دکەین کو پشتی هەر بابەتەکێ ئەزموونێن گشتیێن قۆناغا ئامادەییا سالا خواندنا (٢٠١٩-٢٠٢٠)، ژ ئالیێ لیژنەیەکا پسپۆر (کو نوینەرێن ڕێڤەبەریا گشتیا پەروەردانە) دێ بەرسڤا نمونەی بۆ پرسیاران هێتە دانان".

دیارکریە ژی، ئەو بەرسڤ ب بەرسڤێن بەراهیێ دهێنە هەژمارکرن و پشتی شێورا زێدەتر و وەرگرتنا سەرنج و تێبینیێن کەسێن شەهرەزا ژ بابەتان و د ڕۆژا دویێ یا تاقیکرنێن گشتی دا، ئەڤ بەرسڤە دێ پلەیا داویێ (بنبڕ) وەرگرن و دبنە بنەمایەک بۆ  پشکنینێن سۆمایان و پرۆسەیا پشکنینا سۆمایان د بەرژەوەندیا قوتابیان و خواندەکاران دا دهێتە یەکئالیکرن و مافێ چ قوتابی و خواندەکارەکێ نافەوتیت".

س.م