سەرنووچە:

فرسەت سۆفی: ٥٠ ھزار دێ ژ وان کەسان ھێتە وەرگرتن ئەوێن دھێنە ھەولێرێ

فۆتۆ: 
2020-07-13

242 جار خوێندراوەتەوە

پارێزگارێ ھەولێرێ ڕاگەھاند، ژ ئەڤرۆ پێدا ل ھەموو زالگەھێن پارێزگەھا ھەولێرێ دێ پشکنین ھێنە دانان و کۆژمەکا پارەی کو ژ ٥۰ ھزار دیناران زێدەتر نەبیت دێ ژ وان کەسان ھێتە وەرگرتن کو سەردانا وێ پارێزگەھێ دکەن.

فرسەت سۆفی پارێزگارێ ھەولێر د کۆنفرانسەکێ رۆژنامەڤانیێ دا راگەھاند، د حەفتیا داھاتی دا دێ بزاڤێ کەن ب میکانزمەکا نوو ڕێ ب وەلاتیان بدەن ل باژارێن دی یێن ھەرێم و عێراقێ بچنە ھەولێر، بۆ وێ مەرەمێ ژی دێ ل ھەموو زالگەھێن ھەولێرێ پشکنین ھێنە دانان.

بەحسکریە ژی، ھەر کەسەک بخوازیت سەردانا ھەولێرێ بکەت دڤێت پشکنین بۆ بھێتە کرن و دێ کۆژمەکێ پارەی ھەمبەر پشکنینێ لێ ھێتە وەرگرتن کو ٥۰ ھزار دینار زێدەتر نەبیت.

گوت ژی ، " ئەڤ بریار ب تایبەت بۆ وان کەسان دبیت کو ل پارێزگەھێن دی یێن عێراقێ دچنە وی باژاری ، دبیت بۆ وان کەسێن ل باژارێن دی یێن ھەێمێ دچن جوودا بیت".

فرسەت سۆفی ڕاگەھاند ژی، وەرگرتنا وی کۆژمێ پارەی ب مەرەما بەردەوامبوونا ڤەلڤینا بازرگانی و ئابورییە ل ھەولێرێ.

بریاڕا وەرگرتنا ٥۰ ھزار دیناران ل وەلاتیان کو دچنە ھەولێرێ ، ھەیا نھا ل چ پارێزگەھـ و ئیدارێن سەربەخۆ یێن عێراق و ھەرێمێ کار پێ ناھێتە کرن.