سەرنووچە:

ئەڤرۆ و سوبەھی دێ مووچەیێ ڤان جھان ھێتە پارڤەکرن

مووچەیێ مەها سباتا ئەڤسالە
فۆتۆ: 
2020-07-13

898 جار خوێندراوەتەوە

وەزارەتا دارایی یا ھەرێمێ خشتەیا مووچەیا مەھا سباتا ئەڤسال یا ھەموو وەزارەتان راگەھاند و لگۆر خشتەیێ ئەڤرۆ دووشەمبیێ و سوبەھی سێشەمبیێ دێ مووچەیێ پێنج وەزارەتان ھێتە پارڤەکرن

وەزارەتا دارایی یا ھەرێمێ ڕاگەھاند، ئەڤرۆ دووشەمبیێ دێ مووچەی وەزارەتا باژێرڤانی و گەشت و گۆزار ، کارەبا ، چاندنیێ و ژێدەرێن ئاڤێ، رۆشنبیری و لاوان ، ئاڤەدانکرن و سەرۆکاتیا ھەرێم ، پەرلەمان و جڤاتا وەزیران ھێتە پارڤەکرن.

دایە زانین ژی، سوبەھی سێ شەمبیێ ، دێ مووچەیێێ خانەنشینان ھێتە پارڤەکرن.

پارڤەکرنا مووچەی د دەمەکێ دایە، ۲۱ێ ڤێ مەھێ ، حکومەتا ھەرێمێ  چەند بریارێن نوو بۆ کێمکرنا مووچەی و دەرمالێن فەرمانبەران دەرکر و لگۆر بریاران ب ڕێژەیا ۲۱٪ مووچەیێ فەرمانبەران و مووچەخۆران ھاتە کێمکرن.

نێزیکی ٥۰ رۆژن مووچە نەھاتیە پارڤەکرن ، زێدەباری کو بەغدا د مەھا دەربازبوویی دا ٤۰۰ ملیار دینار بۆ ھەرێمێ شاند ، پشترا حکومەتا ھەرێمێ ڕاگەھاند، بۆ پارڤەکرنا مووچەیێ مەھا یەک قەر ل کۆمپانیان کریە و کۆژمەکێ زۆر یێ پارەیێ بەغدا بۆ دانا وان قەران تەرخان کریە ، ب وێ سەدەمێ ژی پارڤەکرنا مووچەی پاشکەفتیە.