سەرنووچە:

قۆناغا چارێ یا ئۆپەراسیۆنا پەهلەڤانێن عێراقێ دەستپێکر

فۆتۆ: 
2020-07-11

191 جار خوێندراوەتەوە

قۆناغا چارێ یا ئۆپەراسیۆنێن پەهلەڤانێن عێراقێ بۆ بەرهەنگاربوونا چەکدارێن داعشێ ل سنورێ پارێزگەها دیالە دەستپێکر.

شانەیا ڕاگەهاندنا ئەولەهیا گرێدایی ئۆپەراسیۆنێن هەڤبەشێن عێراقێ د ڕاگەهاندنەکێ دا دیارکر، لسەر فەرمانا مستەفا کازمی سەرۆک وەزيرێ عێراقێ و ب سەرپەرشتیا فەرماندارێ ئۆپەراسیۆنێن هەڤبەش، قۆناغا چارێ یا ئۆپەراسیۆنێن پەهلەڤانێن عێراقێ بۆ پشکنین و پاقژکرنێ لسەر ڕووبەرێ ١٧ هزار و ٦٨٥ كیلۆمەترێن چوارگۆشە ل سنورێ پارێزگەها دیالە دەستيپێکریە.

دیارکر ژی، ئۆپەراسیۆن ل چار میحوەران هاتیە دەسپێکرن کو هەریەک ژ هێزێن فەرماندەییا ئۆپەراسیۆنێن دیالە، سەڵاحەددین، سامەڕا، دوو لیوایێن كۆماندۆیێن سەرب هێزێن سنوری، هێزێن دژە تیرۆرێ، هێزێن پۆلیسێن فیدرال، حەشدا شەعبی و هێزێن فەوجا دژە تیرۆرا سلێمانی تێدا پشکدارن.

هەر لگۆری ڕاگەهاندنێ، د ئۆپەراسیۆنێ دا پشتەڤانیا بالەفرێن سەربازیێن عێراقێ و هێزێن ئەسمانیێن هەڤپەیمانیا ناڤدەولەتیا دژی داعشێ هاتیە دابینكرن.

د دەمێن دەربازبوویی دا ژی، سێ قۆناغێن ئۆپەراسیۆنێن عێراقێ ب ئارمانجا نەهێلانا داعشێ ل ڕۆژهەلاتێ سەحەلاددین، رۆژئاڤایێ دیالە و باشورێ رۆژئاڤایێ كەركوك هاتنە ئەنجام دان.

س.م