سەرنووچە:

ئەڤرۆ و سوبەهی خشتەیێ مووچەیێ ڤان جهان ھێتە پارڤەکرن

مووچەیێ مەها دوو
فۆتۆ: 
2020-07-11

1348 جار خوێندراوەتەوە

وەزارەتا دارایی خشتەیێ مووچەیێ هەمی وەزارەتان ڕاگەھاند، ل دیف خشتەی، ئەڤرۆ شەمبێ ١١ێ تیرمەهێ و سوبەهی یەکشەمبێ ١٢ تیرمەها ٢٠٢٠ دێ مووچەیێ  وەزارەتێن کاروبارێن جڤاکی، داد، سامانێن سروشتی، ئەوقاف و کاروبارێن ئاینی، ڤەگوهاستن و گەهاندن و خوندنا بلند و ڤەکولینێن زانستی دێ ھێتە پارڤەکرن.

هەڤدەم، ئەڤرۆ و سوبەهی دێ مووچەیێ  خودان پێدڤیێن تایبەت، جڤاتا دادوەری، دیوانا چاڤدێریا دارایی، مافێن مروڤی، دەڤەرێن دەرڤەی هەرێمێ، دەستەیا ژینگەهێ، دەستەیا وەبەرهێنانێ، دەستەیا دەستپاقژیێ، کۆمسیونا هەلبژارتنان و دەزگایێ مین دێ ھێتە پارڤەکرن.

پارڤەکرنا مووچەی د دەمەکێ دایە، ۲۱ێ ڤێ مەھێ ، حکومەتا ھەرێمێ دێ چەند بریارێن نوو بۆ کێمکرنا مووچەی و دەرمالێن فەرمانبەران دەرکر و لگۆر بریاران ب ڕێژەیا ۲۱٪ مووچەیێ فەرمانبەران و مووچەخۆران ھاتە کێمکرن.

نێزیکی ٥۰ رۆژن مووچە نەھاتیە پارڤەکرن ، زێدەباری کو بەغدا د مەھا دەربازبوویی دا ٤۰۰ ملیار دینار بۆ ھەرێمێ شاند ، پشترا حکومەتا ھەرێمێ ڕاگەھاند، بۆ پارڤەکرنا مووچەیێ مەھا یەک قەر ل کۆمپانیان کریە و کۆژمەکێ زۆر یێ پارەیێ بەغدا بۆ دانا وان قەران تەرخان کریە ، ب وێ سەدەمێ ژی پارڤەکرنا مووچەی پاشکەفتیە.