سەرنووچە:

وەزارەتا ڤەگوهاستنێ: د ڕۆژێن تاقیکرنێن پۆلا ١٢ێ ئامادەی دا دێ هێلێن ئینتەرنێتێ هێنە ڕاگرتن

فۆتۆ: 
2020-07-10

947 جار خوێندراوەتەوە

ڕێڤەبەرێ گشتیێ پۆستە و گەهاندن ل وەزارەتا ڤەگوهاستنێ ڕاگەهاند، د ڕۆژێن تاقیکرنێن پۆلا ١٢ێ ئامادەی دا، دێ هێلێن ئینتەرنێتێ ژ دەمژمێر ٦ هەیا ٩ێ سپێدێ هێنە ڕاگرتن.

کاروان رەزا ڕێڤەبەرێ گشتیێ پۆستە و گەهاندن ل وەزارەتا ڤەگوهاستنا هەرێمێ ڕاگەهاند، ل ڕۆژێن شەمبی و سێشەمبیێ یێن هەموو وان حەفتیێن کو پۆلا ١٢ێ ئامادەیی تاقیکرن تێدا هەیە دێ هێلێن ئینتەرنێتێ ژ دەمژمێر ٦ هەیا ٩ێ سپێدێ ل تەڤاهیا هەرێما کوردستانێ هێنە ڕاگرتن.

دازانین ژی، ژ پێخەمەت بڕێڤەچوونا تاقیکرنان ب ئاوایەکێ سەرکەفتی و لسەر ڕازیبوونا وەزارەتا پەروەردێ، د ڕۆژێن تاقیکرنان دا هێلێن ئینتەرنێتێ بۆ سێ دەمژمێران دێ هێتە ڕاگرتن.

لسەر بڕیارا وەزارەتا پەروەردێ سوبەهی شەمبیێ ١١ێ ٧ێ ٢٠٢٠ێ یەکەم تاقیکرنا پۆلا ١٢ێ ئامادەیی دێ بڕێڤەچیت.

دەما چەند سالانە د ڕۆژێن بڕێڤەچوونا تاقیکرنێن گشتیێن پۆلا ١٢ێ ئامادەیی دا، هێلێن ئینتەرنێتێ دهێنە ڕاوەستاندن.

س.م