سەرنووچە:

روسیا دەربارەی گۆتۆبێژێن کوردان و حکومەتا سوریا هەلویستێ خۆ نیشاندا

فۆتۆ: 
2020-07-10

668 جار خوێندراوەتەوە

پەیڤدارا وەزارەتا دەرڤەیا روسیا ڕاگەهاند، ولاتێ وی پشتەڤانیا گۆتۆبێژێن ناڤبەرا کوردان و حکومەتا سوریا دکەت.

ماریا زاخارۆڤا پەیڤدارا وەزارەتا دەرڤەیا روسیا د کۆنفرانسەکا ڕۆژنامەڤانی دا ڕاگەهاند، ب دیتنا وان کوردێن سوریا بەشەکن ژ ئاخا سوریا و لسەر وی بنەمای مۆسکۆ پشتەڤانیا گۆتۆبێژێن ناڤبەرا کوردان و دیمەشقێ دکەت لسەر بڕێڤەبرنا دەڤەرێ.

دیارکر ژی، سەدان سالن سوریا ولاتە و نەتەوە و گروپێن جودا تێدا دژین، پێدڤیە ئەو پەیوەندیێن دیرۆکی بهێنە پاراستن و ب ڕێزگرتن ژ وێ فرە نەتەوەیێ دبیت ئاشتی و ئاسایش د دەڤەرێ دا پەیدا ببیت.

ئەو یەک ژی گوت، کو پێدڤیە شەڕێ دومدرێژێ دژی تیرۆرێ ل سوریا بەرچاڤ بهێتە وەرگرتن، کو کار کریە سەر سەروەری و سەربەخۆی و یەکگرتنا وی ولاتی.

هەیا نها چەندین جاران نوینەرێن کوردان ل ڕۆژئاڤایێ کوردستانێ دگەل حکومەتا سوریا جڤیانە و گۆتۆبێژ و دانوستان کرنە، لێ هەیا نها نەگەهشتنە چ لهەڤهاتنان.

س.م