سەرنووچە:

ھەپەگێ ژمارەیا کوشتیێن سەربازێن تورکیا و شەھیدێن گەریلا بەلاڤکر

فۆتۆ: 
2020-07-09

601 جار خوێندراوەتەوە

ناڤەندا ڕاگەھاندن و چاپەمەنیا ھێزێن پاراستنا گەل ھەپەگێ ڕاگەھاند، د ئەنجاما دوو چالاکیێن گەریلایان دا ل حەفتەنین ۱٤ سەربازێن تورکیا ھاتن کوشتن و سێ گەریلا ژی ل شرناخ شەھیدبوون.

ھێزێن پاراستنا گەل د راگەھاندنەکێ دا بەحسکر ، رۆژا ۷ێ تیرمەھێ ھێزێن وان لدژی یەکەیەکا سەربازی یا سوپایێ تورکیا کو ل گرێ قەسرۆکێ بجیبوون ، چالاکیەک ئەنجام دا و د وێ چالاکیێ دا ۱۲ سەرباز ھاتنە کۆشتن.

ئاماژە کر ژی، سپێدەھیا رۆژا ٨ێ تیرمەھێ گەریلا ل دژی ھێزێن سوپایێ تورکیا ل دەڤەرا شەشدارا دوو چالاکی ئەنجام دان و د وان دوو چالاکیان دا دوو سەرباز ھاتنە کۆشتن.

بەحسکر ژی، لێ ل دەڤەرا ماسیرۆ ل ھەرێما شرناخێ ل باکورێ کوردستانێ ب سەدەما بۆمبەبارانا ھەلیکۆپتەرا سکۆرسییە سێ گەریلا شەھیدبوون ، کو یەک ژ وان فەرماندەیە.

د ۱٥ێ مەھا دەربازبوویی سوپایێ تورکیا ھێرشێن خۆ بۆ سەر ھەرێمێ بەرفرەھکرن و ب وێ سەدەمێ ژی ل سنورێ پارێزگەھا دھۆکێ سوپایێ تورکیا ھێزێن تایبەت بجیکرنە.