سەرنووچە:

پێشمەرگەی دەربارەی دروستکرنا هێزا هەڤبەش دگەل عێراقێ زەلالکرن دا

فۆتۆ: 
2020-07-09

262 جار خوێندراوەتەوە

جێگرێ سوپاسالارێ وەزارەتا پێشمەرگە ڕاگەهاند، حەفتیا داهاتی دێ ژوورا ئۆپەراسیۆنێن هەڤبەش دگەل ئارتێشا عێراقێ دروستکەن.

ئەڤرۆ پێنجشەمبیێ قارەمان کەمال جێگرێ سوپاسالارێ وەزارەتا پێشمەرگە ڕاگەهاند، دگەل ئارتێشا عێراقێ بەحسا ڤەکرنا ژوورا ئۆپەراسیۆنێن هەڤبەش ل دەڤەرێن دیالە، کەرکوک، مەخمور و موسل کریە و دهێتە چاڤەرێکرن د چەند ڕۆژێن داهاتی دا ب فەرمی بهێتە ڕاگەهاندن. دبێژیت ژی، "مە بەحسا دروستکرنا هێزا هەڤبەش ژی کریە ل وان دەڤەران".

دەربارەی ڤەگەڕیانا پێشمەرگەی ژی بۆ کەرکوکێ گوت، "بەحسا وێ یەکێ نەهاتیە کرن کا دێ هێزێن مە هەتا کیڤە چن و ئەوا د ڕاگەهاندنێ دا هاتیە بەحسکرن ڕاست نینە".

 حەفتیا دەربازبوویی، شاندەکا وەزارەتا پێشمەرگەیێ هەرێمێ دگەل شاندەکا وەزارەتا بەڕەڤانیا عێراقێ لسەر چەند پرسان ل بەغدا جڤیان و بڕیارهاتە دان جڤینا داهاتی ل هەولێرێ بڕێڤەبچیت.

س.م