سەرنووچە:

حکومەتا هەرێمێ چەند بڕیارەک دەرکرن

فۆتۆ: 
2020-07-08

1201 جار خوێندراوەتەوە

حکومەتا هەرێما کوردستانێ ڕاگەهاند، د جڤینا ئەڤرۆ دا دەستپێکرنا قۆناغا دوویێ یا سیستەمێ بایۆمەتریا ڕاسپاردێن وەزارەتا چاندنێ پەسەندکر.

ئەڤرۆ چارشەمبیێ حکومەتا هەرێما کوردستانێ ب سەرپەرشتیا مەسرور بارزانی سەرۆکێ حکومەتێ ب ڕێیا ڤیدیۆکۆنفرانسێ جڤیا و دیڤدا د ڕاگەهاندنەکێ دا دیارکر، ڕاسپاردەیا وەزارەتا چاندنێ بۆ ڕێکخستنا گرێبەستێن چاندنێ و ڕێگرتن ژ تەرخانکرن و بکارئینانا زەڤیێن چاندنێ بۆ مەرەما نەچاندنێ و پلانا وەزارەتێ بۆ پێشڤەبرنا مشتەلێن سەر ب وەزارەتا چاندنێ و ئاڤدێریێ ب تەڤاهیا دەنگان هاتنە پەسەندکرن.

دیارکریە ژی، ب مەرەما ب ئەلکترۆنیکرنا دامودەزگەهێن حکومەتێ، دەستپێکرنا قۆناغا دوویێ یا سیستەمێ بایۆمەتریێ هاتیە پەسەندکرن.

ل دەستپێکا سالا ٢٠١٧ێ حکومەتا هەرێمێ قۆناغا یەکەما بایۆمەتریێ دەستپێکر کو لگۆری داتایێن سیستەمێ بایۆمەتریێ یەک ملیۆن و ٢٥١ هزار مووچەخۆرێن حکومی هەنە، لگۆری زانیاریان ژی ل هەرێما کوردستانێ زێدەتری ١٠٦ هزار کەس زێدەتر ژ یەک مووچەی وەردگرن.

س.م