سەرنووچە:

سەنتەرێ میترۆ: ڕۆژنامەڤان قارەمان شوکری ب نەیاسایی هاتیە دەستەسەرکرن

فۆتۆ: 
2020-07-07

189 جار خوێندراوەتەوە

سەنتەرێ میترۆ ل دهۆكێ ڕاگەهاند، ڕۆژنامەڤان قارەمان شوکری ب نەیاسایی هاتیە دەستەسەرکرن و پێدڤیە ژی بهێتە ئازادكرن.

د بەشەكا دییا ڕاگەهاندنا سەنتەرێ میترۆ دا هاتیە،" ئیدانەیا بەرتەسکرنا کارێ میدیایی ژئالیێ دەستەڵاتێڤە ل بەهدینان دکەین".

لگور گوتنا نعمەت ڕێکانی مامێ ڕۆژنامەڤانی، ڕۆژا شەمبیێ ٢٧/٦/٢٠٢٠ێ ئاسایشا شێلادزێ چۆیە ماڵا قارەمانی و دەستپێکێ گوتیە دەیکا وی تنێ مە چەند پرسیارەکێن لێ هەین و دێ زڤڕینین، بێ بڕیارا دادوەری دگەلدا بیت دەستەسەرکرنە و پاشی داخوازا موبایلا وی کرینە و مە ژی ڕادەست نەکریە.

بەحسا وێیەكێ ژی كر، "پاشی قارەمان بۆ ئاسایشا گشتی یا دهۆکێ هاتیە ڤەگوهاستن و دیاكر، هەیا نها ڕێ ب مە نەهاتیە دان سەرەداناوی بكەین و ببینین".

ڕەمەزان ئەرتیسی سەرپەرشتیارێ گروپێ پارێزەرێن خۆبەخش بۆ میترۆ راگەهاندیە،" پارێزەرێن مە هەوڵداینە قارەمانی ببینین بۆ وەرگرتنا بریکارنامەیەکا یاسایی، لێ مە نە شیاییە ببینین، پێدڤی بوو ژ ۲٤ دەمژمێران تا هەفتیەکێ گرتن (توقف) تەمام بایە و کەیساوی ڕادەستی دادگەهێ کربان".

لگور گوتنا کەسوکارێن قارەمانی، ئەو لسەر وێنەگرتنا بوویەرێن شێلادزێ و چەند لێدوانەکان بوویە بۆ دەزگەهێن میدیایی هاتیە دەستەسەرکرن.

ڕۆژنامەڤان قارەمان شوکری ڕێکانی دەمێ ۱۱ ڕۆژانە ژ ئالیێ ئاسایشا شێلادزێڤە دەستگیرکریە و پاشی ڕەوانەی ئاسایشا گشتی یا دهۆک کریە، ئەڤە ژی بەرۆڤاژی یاسایا ڕۆژنامەگەری و یاسایێن کارپێکریە، پێدڤیە لگور یاسایێ مامەڵە دگەلدا بهێتە کرن، نەک د کونجێن زیندانێدا بمینیت.

ئەڤە د دەمەكێ دایە، ٢٦/٦/٢٠٢٠ ژ ئالیێ ئاسایشا دێرەلوکێ ڤە سەر ب قەزایا ئامێدیێ، کەلوپەلێن ڕۆژنامەڤانیێن تیما کەناڵێ ئێن ئاڕ تی (تایف گۆران و هندرێن سەردار ) و ڕۆژنامەڤانێ فریلانس (محەمەد عومەر) و موبایل و کۆمپیتەرێن شەخسی ژێ هاتینە وەرگرتن و هێشتا ل ئاسایشێ نە، ئەڤە ژی بێ بەرۆڤاژی یاسا و ئەتەکێتێن دەزگایێن ئەمنییە.