سەرنووچە:

داخوازیکا ئۆپۆزسیۆنا تورکیا کو ژ کازمی کریە هاتە ئاشکرکرن

فۆتۆ: 
2020-07-07

4419 جار خوێندراوەتەوە

سەرۆکێ پارتیا گەل یا کۆمارا تورکیا نامەیەک ئاراستەی سەرۆکوەزیرێ عێراقێ کریە و تێدا داخواز دەستنیشانکرنا وەزیرەکێ تورکمانی د کابینەیا وی دا کریە.

ڕووپەلا روسیا توردەی بەلاڤکر، کەمال کلیچدار ئۆغلو سەرۆکێ پارتیا گەل یا کۆمارا تورکیا (جەهەپە) نامەیەک ئاراستەی مستەفا کازمی سەرۆک وەزیرێ عێراقێ کریە و تێدا هاتیە، "ئەم ژ نێزیکڤە چاڤدێریا ڕەوشا عێراقێ دکەین و پیرۆزباهیا پێکئینانا حکومەتا نوویا ولاتێ هەوە ژی دکەین".

هەر د نامەیێ دا هاتیە، "ب دەستنیشنکرنا وەزیرەکێ ژ نەتەوەیێ تورکمان دێ مە پشتڕاستکەت ژ ڕوولپێدانا وان د دروستکرنا داهاتیێ عێراقێ دا".

بەحسا وێ یەکێ ژی کریە، "پشتراستین دبن حوکمێ تەدا، ب یەکسانی ماف و ڕوولان بۆ گەلێن ولاتێ خۆ دێ دابین کەی".

ئەڤە ژی دەمەکێ دایە، چەند حەفتیان بەریا نها کازمی بڕیار دا ب دانانا وەزیرەکێ ژ نەتەوەیێ تورکمان د کابینەیا خۆ دا.