سەرنووچە:

پۆلیسێن دهۆکێ هوورکاریێن هەردوو بوویەرێن کوشتنێ یێن زاخۆ و سێمێلێ بەلاڤکرن

ئەڤرۆ دوو بوویەرێن کوشتنێ ل سنورێ پارێزگەها دهۆکێ ڕوودانە
فۆتۆ: 
2020-07-05

1475 جار خوێندراوەتەوە

پۆلیسێن دهۆکێ ڕاگەهاند، ئەڤرۆ دوو بوویەرێن کوشتنێ ل هەردوو سنورێن قەزایێن سێمل و زاخۆ ڕوودانە و تۆهمەتبارێن هەردوو بوویەران ژی هاتنە دەستنیشانکرن، دێ هێنە دەستەسەرکرن.

هێمن سلێمان پەیڤدارێ پۆلیسێن دهۆکێ د کۆنفرانسەکا ڕۆژنامەڤانی دا ل قەزا زاخۆ ڕاگەهاند، ل دەمژمێر هەشتێ سپێدەهیا ئەڤرۆ لاشەیێ کەسەکی ب ناڤێ (قاسو مەحمود عیدو) ب کوشتی ل گوندێ کانی عەرەب یێ سنورێ قەزا سێمێلێ هاتیە دیتن و پۆلیس چووینە جهێ بوویەرێ و لگۆری ڤەکۆلینێن دەستپێکی دیار بوویە ئەو کەسە لسەر ئاریشەیەکا جڤاکی هاتیە کوشتن.

دیارکر ژی، کو ناڤ و نیشانێن بکۆژی ل بەردەستێ پۆلیسانە و هاتیە نیاسین و ب فەرمانا دادوەری و ل دیف بەندێ ٤٠٦ دێ هێتە دەستەسەرکرن.

دەربارەی بوویەرا دوویێ ژی پەیڤدارێ پۆلیسێن دهۆکێ گوت، هەر ئەڤرۆ گەنجەکێ دی یێ تەمەن ٣٥ سالی لسەر جادەیێ و لهەمبەر دادگەها زاخۆ ب سێ گوللـەیان هاتیە کوشتن.

دازانین ژی، ئەو کەسێ هاتیە کوشتن پێشتر چەند دۆز لسەر هاتینە ڤەکرن کو تایبەتن ب قەڕان و ئەو کەسە یێ قەرداربوویە، لدیف بڕیارا دادوەری تۆهمەتبار ب ناڤ و نیشان هاتیە ناسین و دێ ل نێزیک هێتە دەستەسەکرن.

س.م