سەرنووچە:

ئیماراتێ پێکئینانا حکومەتا نوو ڕاگەهاند

فۆتۆ: 
2020-07-05

190 جار خوێندراوەتەوە

سەرۆک وەزیرێن ئیماراتێ پێکئینانا حکومەتا نوو ل ولاتێ خۆ ڕاگەهاند، کو ب ئارمانجا کابینەکا جێگیر و گۆهەرتنێن بلەز ، هندەک ژ وەزارەتان تێکەلکرن.

محەمەد مەکتوم سەرۆک وەزیرێن ئیمارات و حاکمێ دوبەی د تویتەرێ خۆ دا ڕاگەهاند، " وەک د مەها گۆلانا دەربازبوویی دا مە ڕاگەهاند کو دخۆازین هندەک گۆهەرتنان بکەین و حکومەتا نوو پێکبئینین و تێدا ، وەزارەتان و دامەزراوەیان تێکەل بکەین ، ئەڤرۆ مە ئەو کار ئەنجام دا".

ڕاگەهاند ژی تێکەلکرنا وەزارەت و دامەزراوەیان پێخەمەت کابینا جێگیر و گۆهەرتنێن بلەز دایە ، هەڤدەم ، بۆ گۆنجانێیە دگەل قۆناغا نها یا ئیماراتێ.

بەحسکریە ژی، حکومەتا نوو هەموو شیانێن خۆ دئێخیتە کار بۆ پێشخستنا زێدەتر یا ئیماراتێ و بدەستڤەئینانا وان ئارمانجێن هەنە.

یەکەم حکومەتا ئیماراتێ د سالا ۱۹۷۱ ێ دا هاتیە پێکئینان و د دەما ٤۹ سالێن دەربازبووییدا ، ئاستا پێشکەفتنا وی ولاتی ل تەڤاهیا دونیایێ دەنگڤەدایە.