سەرنووچە:

سامانێن سرۆشتی: شاندنا نەفتێ دانەکەفتیە

فۆتۆ: 
2020-07-04

196 جار خوێندراوەتەوە

وەزارەتا سامانێن سرۆشتی ڕاگەھاند، شاندنا نەفتا رۆژانە یا ھەرێمێ دانەکەفتیە و ئەو دەنگۆ دوورن ژ راستیێ.

وەزارەتا سامانێن سرۆشتی یێ ھەرێمێ د ڕاگەھاندنەکێ دا ئاماژە کر، وەھا ھاتیە بەلاڤکرن کو شاندنا نەفتا ھەرێمێ بۆ ۲٦۷ ھزار بەرمیلێن رۆژانە داکەفتیە  و ئەو نووچە دوورن ژ راستیێ و پرۆسەیا شاندنا نەفتێ وەک مەھێن دەربازبوویی یە.

دوھی رۆپەلا دامەزراوەیی یا s&p Global platts بۆ چاڤدێریا شاندنا نەفتێ و شێورەڕمەندیا ولاتێن جیھانێ د بیاڤێ وزەیێ دا بەلاڤکر ، شاندنا مەھا دەربازبووییا نەفتا ھەرێما کوردستانێ کو ل بەندەرێ جەیھان دھێتە شاندن ، ۲٦۷ ھزار بەرمیلێن نەفتێ یێن ڕۆژانە بوونە.

ئاماژە کربوو ژی، شاندنا نەفتا عێراقێ ژی ژ دوو ملیۆن و ٨۱٦ ھزار بەرمیلێن نەفتێ یێن ڕۆژانە و ئەو ژی ۲۹٦ ھزار بەرمیل کێمتر بوونە ژ مەھێن بەرێ.

لگۆر ڕۆپەلێ ، د مەھا دەربازبوویی دا ۳٦٨ ھزار بەرمیلێن نەفتێ یێن رۆژانە ژ ئالیێ حکومەتا ھەرێما کوردستانێ ڤە ھاتنە شاندن و ب وێ یەکێ ژی ۱۰۱ ھزار بەرمیلێن نەفتێ یێن رۆژانە کێم بوونە.