سەرنووچە:

بەنکا ناڤەندیا عێراقێ چارەنڤیسێ مووچەیێ سێ مەهێن داهاتی ئاشکرا دکەت

فۆتۆ: 
2020-07-02

932 جار خوێندراوەتەوە

بەنکا ناڤەندیا عێراقێ ڕاگەهاند، ب هەڤبەندی دگەل وەزارەتا دارایی، د بزاڤێ دانە بۆ بەرهەڤکرنا مووچەیێ سێ مەهێن داهاتیێن فەرمانبەران و بۆ ڤێ یەکێ ژی ڕێکار گرتنەبەر بۆ دەرخستنا هەشت ترلیۆن دینارێن دی.

ئیحسان شەمران ڕێڤەبەرێ پشکا ژمێریاریێ د بەنکا ناڤەندیا عێراقێ دا ڕاگەهاند، ل ڕۆژا چارشەمبیا دەربازبوویڤە چار ترلیۆن و ٣٠٠ ملیار دینار لسەر هەژمارێن بەنکی دانانە و ل دەستپێکا مەها داهاتی دێ مووچەیێ مەها هەزیرانێ یێ فەرمانبەران هێتە پارڤەکرن.

دبێژیت ژی، ب مەرەما دابینکرنا مووچەیێ سێ مەهێن داهاتی، دگەل وەزارەتا دارایی د بزاڤ دانە بۆ دەرخستنا هەشت ترلیۆن دینارێن دی.

ئەو یەک ژی دیارکر، کو دگەل وەزارەتا دارایی مژیلی گرێدانا چەند بۆندانە بۆ دانانا کۆمەکا ڕێکاران کو دەستێ وەزارەتێ ڤالا دکەت ژ دابینکرنا مووچەیێ مەهێن تیرمەهـ، تەباخێ و ئیلۆنا داهاتی.

بەحسا وێ یەکێ ژی کر، بەنکا ناڤەندیا عێراقێ د هەڤکاریکرنا وەزارەتا داراییدایە بۆ ئەنجامدانا وان ڕێکارێن کو وەسا دکەن حکومەت بکاربیت بۆ دەما ١٠ سالان قەران وەربگریت و مووچەیێ فەرمانبەران پێ دابین بکەت.

دازانین ژی، دگەل بلندبوونا بهایێ نەفتێ و ئەنجامدانا کۆمەکا چاکسازیان ژ ئالیێ حکومەتێ ڤە، دێ ڕەوشا دارایی ژی باشتر بیت و ئەو گڤاشتنێن لسەر وان نامینن.

س.م