سەرنووچە:

حکومەتا هەرێمێ دەربارەی ڕادەستکرنا داهاتێ نەفتێ و خالێن سنوری ب بەغدا زەلالکرن دا

فۆتۆ: 
2020-07-01

1724 جار خوێندراوەتەوە

حکومەتا هەرێمێ ڕاگەهاند، ئەو بەرهەڤن داهاتێ نەفتێ و ٥٠٪ێ یا خالێن سنوری ڕادەستی بەغدا بکەن، د داهاتیەکێ نێزیک دا ژی جارەکا دی دێ شاندا هەرێمێ چیتە بەغدا.

ئەڤرۆ چارشەمبیێ حکومەتا هەرێمێ جڤیا و پشتی جڤینێ ژی جوتیار عادل پەیڤدارێ حکومەتێ دیارکر، پرۆژەیی یاسایا چاکسازیێ چوویە د بیاڤێ جیبجیکرنێ دا و ئارمانج ژی لێ دادپەروەری و نەهێلانا مووچەیێ نەیاساییە، هەروەسا پاکسازی دێ د لیستا مووچەیێ شەهیدان و ئەنفالکری و زیندانیێن سیاسی دا هێتەکرن.

دەربارەی بڕینا مووچەی ژی پەیڤدارێ حکومەتێ دیارکر، بڕیارا بڕینا مووچەی ب ڕێژەیا سەدێ ٢١ بڕیارا پارتی، یەکێتی و گۆڕان بوویە و تنێ بۆ ڤێ مەهێ دبیت.

هەروەسا گوت، مەها داهاتی حکومەت لگۆری وی داهاتێ کو بدەست دکەڤیت دێ مووچەی پارڤە کەت، کو ژ فرۆتنا نەفتێ و ناڤخۆ و بەشە بودجەیا بەغدایە.

هەڤدەم، دەربارەی بۆمبەبارانێن سەر هەرێمێ دیارکر، قەبول ناکەن چ هێز و ئالیەک ئاخا هەرێمێ بۆ هەڤڕکیێن سیاسی بکاربینیت و پێدڤیە هێزێن بیانی د ناڤ ئاخا هەرێمێ دا خۆ ڤەکێشن.

س.م