سەرنووچە:

نەخۆشخانەیا تەنگاڤیان و زارۆکبوونێ ل ئاکرێ ئاگەهداریەک بەلاڤکر

فۆتۆ: 
2020-06-03

774 جار خوێندراوەتەوە

ڕێڤەبەریا نەخۆشخانەیا تەنگاڤیان و زارۆکبوونێ ل ئاکرێ ڕاگەهاند، هەر وەلاتی و نەساخەکێ سەرەدانا نەخۆشخانەیێ بکەت و کەمام و دەستکێشان گرێنەدەت ڕێ پێ ناهێتەدان دەربازی ناڤ نەخۆشخانەیێ ببن.

ڕێڤەبەریا نەخۆشخانەیا تەنگاڤیان و زارۆکبوونێ ل ئاکرێ ڕاگەهاند، "داخازێ ژ وان وەلاتی و نەساخان دکەین ئەوێن دهێنە بنگەهێن ساخلەمیێ و نەخۆشخانەیێ پێگریێ ب رێنمایێن ساخلەمیێ بکەن و دەست گورگ و کەمامان گرێدەن د ناڤ نەخۆشخانەیێ دا".

دیارکر ژی، "هەر وەلاتیەک یان نەخۆشەکێ بهێتە ناڤ نەخۆشخانەیێ دا و پێگریێ ب ڤان رێنمایان نەکەت رێ پێ ناهێتەدان ژلایێ کارگێریێ ڤە دەربازی ناڤ نەخۆشخانەیێ ببن".

ئەڤە ژی پشتی وێ یەکێ دهێت، تنێ د دوو حەفتیان دا ٧٠ حالەتێن توشبوون ب کۆرۆنایێ ل سنورێ پارێزگەها دهۆکێ هاتنە تۆمارکرن و ڤێ یەکێ ژی وەسا کر ڕێکارێن ساخلەمیێ بهێنە توندکرن و ئاسانکاری د قەدەغەیا هاتن و چوونێ دا نەهێتەکرن.

س.م