سەرنووچە:

ژبەر بزاڤا هاککرنێ ئاستەنگ بۆ کارکرنا ڕووپەلا ئێن ئاڕ تی دروستبوویە

ب ئاوایەکێ ڕێکخستی
فۆتۆ: 
2020-06-03

147 جار خوێندراوەتەوە

ژ سەرێ سپێدەهیا ئەڤرۆڤە ب ئاوایەکێ ڕێکخستی بزاڤا هاککرنا ڕووپەلا ئێن ئاڕ تی دهێتەدان و ژبەر ڤێ یەکێ ئاستەنگ بۆ کارکرنا ڕووپەلێ دروستبوویە.

ئەکرەم فەرەج بەرپرسێ دیجیتال میدیایا ئێن ئاڕ تی ڕاگەهاند، "داخوازا لێبورینێ ژ خوینەرێن ڕووپەلا ئێن ئاڕ تی دکەین کو د نها دا نکارن ب ساناهی دەستێ خۆ بگەهینە نووچە و زانیاریێن ڕووپەلا ئێن ئاڕ تی".

دیارکر ژی، ژ سەرێ سپێدەهیا ئەڤرۆڤە ل چەندین ژێدەران هێرشەکا ڕێکخستی بۆ سەر ڕووپەلا ئێن ئاڕ تی هاتیەکرن و ب وێ سەدەمێ ژی ئاستەنگ بۆ کارکرنا ڕووپەلێ دروستبوویە.

بەحسا وێ یەکێ ژی کر، د نها دا کار بۆ ڤەدیتنا ژێدەرێ هێرشان و ئاساییکرنا ڕووپەلا ئێن ئاڕ تی دکەن.

دبێژیت ژی، "ڤێ یەکێ ئەم وەک پلانەکێ دبینین کو لدژی مە دهێتە بکارئینان، ژبەر کو دەما چەند سالانە دیجیتال میدیایا ئێن ئاڕ تی لسەر ئاستێ عێراق و هەرێما کوردستانێ د پلەیا یەکەم دایە و ب ڤان کاران دخوازن د ڕێزبەندیێ دا بینەخار و ڕوومالا بەرفرەها وەلاتیان نەکەین".

ئێن ئاڕ تی لسەر ئاستێ ڕووپەلێن عێراقێ و پشتی چەند ڕووپەلێن بیانی وەک گوگڵ و یوتیوب، پلەیا یەکەم وەرگرتیە.

دیجیتال میدیایا ئێن ئاڕ تی؛ دوانگەیەکا سەرەکییا ئەلیکترۆنییە ل شەش ڕووپەل و دوو ئەپلیکەیشنان پێکھاتیە  و ب زمانێن کوردی (سۆرانی و بادینی) و عەرەبی و ئینگلیزی وەشانێ دکەت و ل سالا ٢٠١١ هاتیە دامەزراندن.

س.م